محبت مصطفیٰ صلی اللہ علیہ وسلم

 محبت مصطفٰی ﷺ کی جب بات آتی ہے تو یہ بہت آسان لگتا ہے کہ بیان کردیا جائے.. کیونکہ ایک مومن کا گمان ِ حسن ِ نبی صلی اللہ تعالی علیہ وآلہ وسلم یہی ہوتا ہے.... لیکن جب بیان کرنے لگیں تو معلوم ہوتا ہے ارے.... ہم 

جس اعلی و ارفع ذات مبارکہ کی محبت  بیان کرنا چاہتے ہیں وہ لفظوں میں، وہ جذبوں میں،  وہ صدیوں میں، بیان کی ہی نہیں جاسکتی..... یہ ممکن ہی نہیں ہے کہ اس ذات ِ مقدس، نشان ِ ایمان،  شافع ِ مومن کی تعریف بیان کی جسکے 

کیونکہ محبت مصطفٰی ﷺ وہ محبت ہے 

جس کی وجہ سے  کائنات وجود میں لائی گی.. 

زمیں کی چہل، آسماں کی پہل، ستاروں کی چمک، سورج کی دھنک، سمندروں کا شور، دریاؤں کا موڑ، بارشوں کی کِن مِن، اشجار کی چِھن چِھن 

 یہ سب ربِّ باری تعالٰی نے پیدا فرمایا کیوں کس لئے؟؟؟؟؟ 

:فرمادیا حقّ نے پھر 

اے محبوب(ﷺ) اگر میں تمہیں پیدا نہ فرماتا تو یہ کائنات بھی پیدا نہ فرماتا  (حدیث قدسی) 

یا جب میں نے بیان کرنا چاہا محبت رسول ﷺ تو

 چودہ سو سال پہلے  وہ (حمزہ رضی اللہ تعالی عنہ) جو اپنے بھائی کا گریبان سرِ بازار محبت ِ رسول ﷺ میں پکڑ لیا کرتے تھے..... اور للکارا کرتے تھے  

یا وہ محبت جو حضرت ابو طالب کو یہ کہنے پر مجبور کرتی تھی 

"خدا کی قسم تم لوگ اگر میرے ایک ہاتھ پر سورج اور ایک پر چاند رکھ دو تب بھی میں اپنے بھتیجے کی  مخالفت نہ کروں گا

یا وہ محبت جو صدیق اکبر رضی اللہ تعالی عنہ سے کہلواتی تھی 

"گھر والو کے لیے الله اور اس کا رسول ﷺ کافی ہے"

یا وہ محبت جو صدیقِ اکبر یارِ  غار سانپ کا ڈنگ سہتے رہے اور نیند خراب نہ ہونے کے ڈر سے جنبش نہ کی..... تکلیف ہوئی پر زبان سے آہ نہ نکلی

یا وہ محبت جس کا فیصلہ عمرِ فاروق رضی اللہ عنہ تلوار سے سر قلم کر کہ کیا کرتے تھے اور فرمان ہوتا تھا

جو اللہ کے رسول ﷺ کے فیصلے سے راضی نہیں اس کا فیصلہ میرے نزدیک یہ ہے 

یا وہ محبت محبت ِ مصطفٰی ﷺ جو حضرت حسان بن ثابت رضی اللہ تعالی عنہ کو منبر پر قیام کرواکے بیان کرنے پر مجبور کردیتی 

وأَحسنُ منكَ لم ترَ قطُّ عيني

وَأجْمَلُ مِنْكَ لَمْ تَلِدِ النّسَاءُ

خلقتَ مبرأً منْ كلّ عيبٍ

كأنكَ قدْ خلقتَ كما تشا

اور پھر یہ اشعار رکتے نہ تھے بلکہ، "قصیدہ ِ حسان بن ثابت رضی اللہ تعالی عنہ بن جاتا تھا 

یا وہ محبتِ رسول ﷺ  جو حضرت انس کو سخت سرد رات میں بستر سے نکل کر حضور 

ﷺ کی خدمت بجا لانے پر خوشی خوشی تیار کرتی تھی

یا وہ محبت ِ رسول  ﷺ جوحضرت  حنظلة کو ایک رات کی دلہن چھوڑ کر حضور ﷺ کی آواز پر لبیک کہنے پر مجبور کرتی تھی 

یا وہ محبتِ رسول ﷺ جو حضرت اویس قرنی رضی اللہ عنہ  کو  شوقِ دیدار رسول ﷺمیلوں کا سفر کروایا کرتا تھا

یا وہ محبت جو شجر ہو یا منبر فراق ِ رسول میں آنسو بہایا کرتی تھی 

یا وہ محبت رسول ﷺ جو امام بخاری علیہ الرحمہ کو بچھو کا ڈنگ برداشت کرنے پر مجبور کرتی  درد کا احساس  کے احساس پر محبت غالب آجاتی.. اور جنبش نہ ہوتی  کہ درسِ حدیث میں مشغول ہوتے تھے 

یا وہ محبت رسول ﷺ جو حضرت امام بو صیری علیہ الرحمہ سے  قصیدہ بردہ شریف لکھواتی تھے اور پھر مبارک ہاتھوں سے بردہ(چادر) عطا فرمائیں 

یا وہ محبت مصطفی صلی اللہ تعالی علیہ وآلہ وسلم  جو ترکوں سے پر شوق، وارفتگی عشق سے تعمیر ِِ مکہ و مدینہ کرواتی اور لبوں پر صرف مسکان ہوتی.... کہ ان فضاؤں میں بھی عقیدت گھل جاتی صرف یہ سوچ کر ان مقامات پر ان جگہوں پر میرے نبی ﷺ نے کلام فرمایا، 

یا وہ محبتِ رسول ﷺ جو کلامِ رسول اللہ صلی اللہ علیہ وسلم سننے کے لیے میلوں کا سفر سہتے.... اور پھر بھی  پیشانی پر شکن نہیں آنکھوں میں تھکن نہیں ہوتی بلکہ وفورِِ شوق سے پیشانی اور آنکھیں جگمگارہی ہوتیں

یا وہ محبت..جو علامہ اقبال کے  قلم کو وجد میں لے آتا اور  قلم لکھتا جاتا......لکھتا جاتا

کی محمد سے وفا تو ہم تیرے ہیں 

یہ جہاں چیز کیا لوح و قلم تیرے ہیں 

یا وہ محبت  مصطفٰی ﷺ جسے دیکھ کر آج بھی بنی اسرائیل خوف کھاتے ہیں... 

یا وہ محبت مصطفٰی ﷺ جو عیسائیوں کو سر اٹھانے نہیں دیتی

یا وہ محبت مصطفٰی ﷺ جو ترکھانوں کے، لوہاروں کے، ملکوں کے بیٹوں کو ناموس رسالت ﷺ کا پہرے دار بنادیتی ہے 

یا وہ محبت مصطفی ﷺ جس کے بیدار ہونے سے  دشمنان ِ اسلام  خوفزدہ رہتے ہیں 

یہ تو چند ان طویل طویل احادیث و واقعات کو اختصار سے بیان کیا ہے وگرنہ 

محبت مصطفٰی ﷺ کی مثالوں سے تو اسلام کا دامن بھرا ہوا جو ناممکنِ  بیان ہے لیکن کیا ہم اس محبت مصطفٰی ﷺ کا حق ادا کررہے ہیں جس کا ہمیں حکم دیا گیا؟؟؟؟ 

جس کے بارے میں خود رب تعالی نے فرمایا 

مَا کَانَ لِاَھلِ الْمدِینَتهِ وَ مَنْ حَوْلھُمْ مِّن الَْعرابِ أَنْ یَّتَخَلَّفوْا عَنْ رَسُوْلِ اللهِ وَ لَا یَرْ غَبُوا بأنفسهم عن نفسهِ

مدینہ والوں اور ان کے گرد دیہات والو کو لائق نہ تھا کہ رسول (ﷺ)  سے پیچھے بیٹھے رہیں اور نہ یہ کہ ان کی جان سے اپنی جان پیاری سمجھیں (التوبہ ١٢٠)

یہی نہیں صاف اور صریح حکم ہے کہ 

حضرت انس رضی اللہ تعالی عنہ سے روایت ہے کہ رسول ﷺ نے فرمایا 

"تم میں کوئی مومن نہیں ہوگا جب تک میں اس کے نزدیک اس کے ماں باپ و اولاد اور سب آدمیوں سے زیادہ محبوب نہ ہوجاؤں  ( صحیح بخاری) 

یہاں اختصار کے پیشِ نظر ایک آیت و حدیث سے استفادہ کیا ہے پر سوال تو وہی ہے 

کیا ہم اس تقاضے کو پورا کرہے ہیں یا نہیں؟؟؟ 

سوچنا خود ہے...... آج ہم لوگوں کی ایمانی غیرت و حمیت کو نشانہ بنایا جاتا ہے لیکن افسوس آج ہم اپنی زندگیوں میں اس قدرمصروف ہوگئے ہیں کہ سوشل میڈیا پر افسوس اور چند لائنوں کے اظہار کے علاوہ کوئی عملی ثبوت نہیں رہا دینے کے لیے..... اور نہ ہی حکومت کے پاس وقت کہ مومنوں کی جان، مومنوں کے ایمان صلی اللہ تعالی علیہ وآلہ وسلم کی شان میں گستاخیاں کرنے والوں کے خلاف کچھ کریں.... یا تعلیم مصطفی صلی اللہ تعالی علیہ وآلہ وسلم کی روشنی میں حکومت و عوام ہو... 

صرف اتنا کہوں گی فی الوقت ضرورت اس امر کی ہے کہ 

محبت مصطفی ﷺ

کا عملی ثبوت دیتے ہوئے نظام مصطفی صلی اللہ تعالی علیہ وآلہ وسلم کو نافذکریں اپنی زندگیوں میں تعلیم مصطفی  ﷺ کو لازم کریں کہ کل روز ِ آخرت کو شفاعت مصطفیﷺ بھی حاصل ہو 

آخر میں صرف اتنا ہی 

میری تحریر میں الفاظ شایان شان ِ جان عالم  رحمت اللعالمین  ﷺنہیں

میں محبت بیان نہیں کرپائی...... مگر میری تحریر کی عظمت اس نامِ اعلی و بالا سے ہی 

 "محمدﷺ"

قرطاس کے چہرے پر اک لفظ لکھا میں نے

اس لفظ کی خوشبو۔۔۔ سے ہر چیز معطر ہے

اس لفظ کی کرنوں ۔۔۔۔ سے ہر چیز منور ہے

وہ لفظ مکمل ہے ۔۔۔۔ وہ لفظ محمد ﷺ ہے

صلی اللہ علیہ وسلم

ازقلم:      درصدف الایمان  

معاشرے کی تباہی کا ذمہ دار کون۔۔۔۔؟

معاشرے کی تباہی کا ذمہ دار کون۔۔۔۔؟

تحریر: درصدف الایمان 

بیٹا تمہارا رشتہ تمہاری پھپو کے یہاں کرنے کا سوچا ہے، فیصل کی والدہ نے فیصل کو بتایا ٹھیک ہے امی تابعداری سے سر جھکالیا، دونوں طرف سے بات چیت ہوگئ، رشتہ طے پاگیا شادی دو سال بعد ہونا قرار پائی اس عرصے میں، فیصل جو کہ اچھی جاب تو کرتا تھا ہی پر گھر کرائے کا تھا، ارادہ امید تھی کہ شادی سے پہلے کرائے کے گھر سے جان چھوٹ جائے.... اور اپنی کوشش میں بفضل اللہ کامیاب بھی ہوگیا، سسرال سے شادی کے لیے دباؤ بڑھنے لگا ، بہرحال شادی کی تاریخ طے ہوگئ، ایک طرف گھربنانے کی مد میں لیا گیا قرض تھا دوسری طرف دور حاضر کے مطابق شادی دھوم دھام سے ہونے کا تقاضہ، فیصل چاہتا تھا خیریت و سادگی کے ساتھ سنت پر عمل ہوجائے،  فیصل کی یہ سوچ کہ سادگی سے نکاح ہوجائے بنا کچھ جہیز میں لیے.....سسرال کے تقاضوں ، آنے بہانوں سے یہ بتانا  بارات کیسی اور کتنی شاندار آئے، بری میں کیا کیا ہو، شادی و ولیمہ کے دلہن کے جوڑے کسی بوتیک سے ہی لیے جائیں ایک طرف ہوگئ ..... 

تب غور کیا..... جہیز تو یوں ہی بدنام ہے بری کے نام پر بھی اچھا خاصا سودا کیا جاتا ہے، لڑکیوں کو ہر دور میں مظلوم بنا کر پیش کیا جاتا ہے  اصل مظلوم تو بے چارہ لڑکا ہے کبھی یہ سوچا ہے  کہ 25، 30 ہزار کی سیلری لینے والا لڑکا، گھر بنائے، اپنی شادی کے لیے پیسے جمع کرے، اپنی بہنوں کی شادیاں کرے، 

، اور بات میری وہی پرانی بہنیں بھی ایک سے لے کر آٹھ، نو تک ہوسکتی ہیں....... 

اپنے ارمان تھوڑے کم کریں، سوچ بنانے والے ہم ہی ہوتے ہیں، ایک ایسا شخص پھر ایسی سوچ کیوں  نہ رکھے کہ بیوی کے ساتھ ساتھ اسٹیبلشمنٹ پلس بہنوں کے جہیز میں بھی مدد مل جائے... اس میں اس سے زیادہ ہمارا خود کا ہی قصور ہے،... اور یہ سوچ لڑکوں سے زیادہ لڑکوں کی ماؤں کی ہوتی ہے. نہ آج کی ماں بیٹی کو جہیز کم دینا چاہتی نہ بہو کے جہیز میں کمی چاہتی سب کی بات نہیں کروں تب بھی اسی فیصد معاملہ ایسا ہی ہے.... 

معاشرے میں شادی کو مشکل آج کے دور میں مشکل بنانے والے لڑکے لڑکی سے زیادہ والدین ہیں... 

وہ غریب ہے، نوکری پکی نہیں، گھر اپنا نہیں، اور کچھ نہیں تو  ہماری برادری کا نہیں اور ٹھیک ایسا ہی لڑکی کے معاملے میں، خوبصورت نہیں، لمبی نہیں، لمبی بہت ہے، ہنستی برے طریقے سے ہے، نخرے بہت ہیں، 

یہ سب خوبیاں خامیاں بتانے والے خود ماں باپ ہوتے ہیں، اس فرمان سے بے گانہ ہوکر کہ نکاح محبت پیدا کرتا ہے. اور نصیب رب العالمین بناتا ہے، تھوڑی سوچ بدلیں ورنہ چوتھی کلاس سے لیکر آٹھویں کلاس تک کے بچے Love letters لکھنے، میٹرک کے کے بچے خود کشی، کالج کے ڈیٹ پر جانے، اور یونیورسٹییز کے چور راستے ڈھونڈنے تو  لگ گئے ہیں... پھر معاشرے کی اس خرابی کا رونا، رونا بھی چھوڑدیں....

اللہ کرے میری بات دلوں میں اتر جائے آمین

عید میلاد النبیﷺ کی شرعی حیثیت

جیسے ہی ماہ ربیع الاول کا چاند نظر آتا ہے، مسلمانان عالم کے قلوب خوشی سے جھوم اٹھتے ہیں۔ ہر جگہ درود وسلام کی صدائیں، جھنڈوں کی بہاریں او رچراغاں ہی چراغاں ہوتا ہے۔ ایسے پربہار موسم میں کچھ لوگ اعتراضات سے بھرپور پمفلٹ تقسیم کرتے ہیں جنہیں پڑھ کر سادہ لوح مسلمان پریشان ہوجاتے ہیں لہذا آپ کی خدمت میں میلاد پاک پر کئے جانے والے اعتراضات کے قرآن، حدیث اور علمائے اسلام کے فرامین کی روشنی میں جوابات پیش کئے جارہے ہیں۔

تاریخ ولادت 12 ربیع الاول ہے

حافظ ابوبکر ابن ابی شیبہ (متوفی 235ھ) سند صحیح کے ساتھ روایت کرتے ہیں کہ عفان سے روایت ہے کہ وہ سعید بن مینا سے روایت کرتے ہیں کہ حضرت جابر اور حضرت عبداﷲ بن عباس رضی اﷲ عنہما نے فرمایا کہ حضور اکرمﷺ کی ولادت عام الفیل میں بروز پیر بارہ ربیع الاول کو ہوئی

(البدایہ والنہایہ ہ جلد دوم، صفحہ نمبر 302، بلوغ الامانی شرح الفتح الربانی، جلد دوم، صفحہ نمبر189)

امام ابن جریر طبری اپنی کتاب تاریخ طبری جلد دوم صفحہ نمبر 125 پر فرماتے ہیں کہ حضور اکرمﷺ کی ولادت پیر کے دن ربیع الاول کی بارہویں تاریخ کو عام الفیل میں ہوئی۔

علامہ ابن ہشام (متوفی 213ھ) عالم اسلام کے سب سے پہلے سیرت نگار امام محمد بن اسحق اپنی السیرۃ النبوۃ میں رقم طراز ہیں کہ حضورﷺ سوموار بارہ ربیع الاول کو عام الفیل میں پیدا ہوئے

( السیرۃ النبوۃ ابن ہشام جلد اول صفحہ نمبر 171)

غیر مقلدین (اہلحدیث) کے پیشوا علامہ سید صدیق حسن خان اپنی کتاب الشمامۃ العنبریہ کے صفحہ نمبر 6 پر رقم طراز ہیں کہ اہل مکہ کا اس پر عمل ہے۔ طیبی نے کہا کہ آپﷺ کی ولادت پیر کے دن بارہ ربیع الاول کو ہوئی۔

مفتی محمد شفیع دیوبندی اپنی کتاب سیرت خاتم الانبیاء مطبوعہ دارالاشاعت اردو بازار کراچی کے صفحہ نمبر 23 پر رقم طراز ہیں کہ جس سال اصحاب فیل کا حملہ ہوا، اس کے ماہ ربیع الاول کی بارہویں تاریخ روز دوشنبہ آقائے نامدارﷺ رونق افروز عالم ہوئے۔

لغت کی کتاب میں میلاد کے معنی

نور اللغات میں لفظ میلاد مولود مولد کہ یہ معنی درج کئے گئے ہیں۔

1. میلاد… پیدا ہونے کا زمانۂ پیدائش کا وقت
2. وہ مجلس جس میں پیغمبر حضرت محمدﷺ کی ولادت باسعادت کا بیان کیا جائے۔ وہ کتاب جس میں پیغمبرﷺ کی ولادت کا حال بیان کیا جاتا ہے۔

قرآن مجید سے میلادِ مصطفیﷺ منانے کے دلائل

القرآن (ترجمہ) اور اپنے رب کی نعمت کا خوب چرچا کرو

(سورۂ والضحیٰ، آخری آیت، پارہ 30)

معلوم ہوا کہ اپنے رب تعالیٰ کی نعمتوں کا خوب چرچا کرو، کائنات کی تمام نعمتوں میں سب سے بڑی نعمت حضورﷺ ہیں لہذا ہمیں نعمت عظمیٰ سرور کائناتﷺ کا خوب چرچا کرتے ہوئے ان کی آمد کی خوب خوشیاں منانی چاہئے۔

قرآن مجید میں دوسرے مقام پر ارشاد ہوتا ہے۔

تم فرماؤ اﷲ ہی کے فضل اور اسی کی رحمت پر چاہئے کہ وہ خوشی کریں۔ وہ ان کے سب دھن و دولت سے بہتر ہے

(سورۂ یونس آیت 58)

اس آیت میں رب کریم کا واضح ارشاد ہے کہ میرے فضل و رحمت کے حصول پر خوشی منائیں۔ جب رحمت پر خوشی منانے کا حکم ہے تو رحمتہ للعالمینﷺ کی آمد پر کس قدر خوشی منانی چاہئے۔

احادیث مبارکہ سے میلاد مصطفیﷺ منانے کے دلائل:

اپنی ولادت کی خوشی تو خود آقا کریمﷺ نے منائی تو ان کے غلام کیوں نہ منائیں۔

حدیث شریف

حضرت ابو قتادہ رضی اﷲ عنہ فرماتے ہیں کہ بارگاہ رسالتﷺ میں عرض کی گئی یارسول اﷲﷺ! آپ پیر کا روزہ کیوں رکھتے ہیں؟ آپﷺ نے جواب دیا اسی دن میں پیدا ہوا اور اسی دن مجھ پر وحی نازل ہوئی

(صحیح مسلم شریف، جلد اول، صفحہ نمبر7)

حدیث شریف

ابولہب کو جب اپنے بھائی حضرت عبداﷲ رضی اﷲ عنہ کے یہاں بیٹے کی خوشخبری ملی تو بھتیجے کی آمد کی خوشخبری لانے والی کنیز’’ثویبہ‘‘ کو اس نے انگلی کا اشارہ کرکے آزاد کردیا۔ ابولہب کے مرنے کے بعد حضرت عباس رضی اﷲ عنہ نے اسے خواب میں دیکھا کہ وہ بڑے برے حال میں ہے تو اس سے پوچھا گیا کیا گزری؟ ابولہب نے جواب دیا

’’مرنے کے بعد کوئی بہتری نہ مل سکی، ہاں مجھے اس انگلی سے پانی ملتا ہے کیونکہ میں نے (اپنے بھتیجے محمد(ﷺ) کی ولادت کی خوشی میں) ثویبہ لونڈی کو آزاد کیا تھا‘‘

(بخاری شریف، کتاب النکاح، حدیث5101، ص 912، مطبوعہ دارالسلام ریاض سعودی عرب)

شیخ محقق شاہ عبدالحق محدث دہلوی علیہ الرحمہ فرماتے ہیں کہ

میلاد شریف کرنے والوں کے لئے اس میں سند ہے جو شب میلاد خوشیاں مناتے ہیں اور مال خرچ کرتے ہیں، یعنی ابولہب کافر تھا اور قرآن پاک اس کی مذمت میں نازل ہوا۔ جب اسے میلاد کی خوشی منانے اور اپنی لونڈی کے دودھ کو آنحضرتﷺ کے لئے خرچ کرنے کی وجہ سے جزا دی گئی تو اس مسلمان کا کیا حال ہوگا جو محبت و خوشی سے بھرپور ہے اور میلاد پاک میں مال خرچ کرتا ہے

(مدارج النبوت جلد دوم، صفحہ نمبر 26)

جشن میلاد کو عید کہنے کی وجہ

امام ابو القاسم راغب اصفہانی علیہ الرحمہ (متوفی 502ھ) عید کی تعریف بیان کرتے ہوئے لکھتے ہیں کہ ’’عید اسے کہتے ہیں جو بار بار لوٹ کرآئے، شریعت میں لفظ ’’عید‘‘ یوم الفطر اور یوم النحر کے لئے خاص نہیں ہے۔ عید کا دن خوشی کے لئے مقرر کیا گیا ہے۔ رسول اکرمﷺ نے ارشاد فرمایا

عید کے ایام کھانے پینے اور اپنے اہل وعیال کے ساتھ وقت گزارنے کے لئے ہیں، اس لئے ہر وہ دن جس میں خوشی حاصل ہو، اس دن کے لئے عید کا لفظ مستعمل ہوگیاہے۔

امام قسطلانی علیہ الرحمہ اپنی کتاب مواہب الدنیہ کے صفحہ نمبر 75 پر فرماتے ہیں

اﷲ تعالیٰ اس مرد پر رحم کرے جس نے آنحضرتﷺ کی ولادت کے مبارک مہینہ (ربیع الاول) کی راتوں کو ’’عیدین‘‘ اختیار کیا ہے تاکہ اس کایہ (عید) اختیار کرنا ان لوگوں پر سخت تر بیماری ہو جن کے دلوں میں سخت مرض ہے اور عاجز کرنے والی لاعلاج بیماری، آپ کے مولد شریف کے سبب ہے۔ بعض نادان لوگ یہ سمجھتے ہیں کہ ’’عید‘‘ اس دن کو کہتے ہیں جس دن عید کی نماز پڑھی جائے، یہ نادانی ہے حالانکہ عید میلاد النبی بمعنی حضورﷺ کی ولادت کی خوشی ہے۔

صحابہ کرام علیہم الرضوان کا میلاد منانا

میلاد کے لغوی معنی اور اصطلاحی معنی محافل منعقد کرکے میلاد کا تذکرہ کرنا ہے، چنانچہ صحابہ کرام علیہم الرضوان نے اس طرح میلاد منایا۔

حدیث شریف

حضرت حسان بن ثابت رضی اﷲ عنہ، سرکارﷺ کی تعریف میں فخریہ (نعتیہ) اشعار پڑھتے، سرکار کریمﷺ، حضرت حسان رضی اﷲ عنہ کے لئے فرماتے۔ اﷲ تعالیٰ روح القدس (حضرت جبرائیل علیہ السلام) کے ذریعہ حسان کی مدد فرمائے۔

(بخاری شریف، جلد اول، صفحہ نمبر 65)

حدیث شریف

حضرت درداء رضی اﷲ عنہ سے مروی ہے کہ میں سرکارﷺ کے ساتھ حضرت عامر انصاری رضی اﷲ عنہ کے گھر گیا۔ وہ اپنی اولاد کو حضورﷺ کی ولادت کے واقعات سکھلا رہے تھے اور کہہ رہے تھے کہ آج کا دن ہے۔ سید عالمﷺ نے اس وقت فرمایا۔ اﷲ تعالیٰ نے تم لوگوں کے واسطے رحمت کا دروازہ کھول دیا اور سب فرشتے تم لوگوں کے لئے دعائے مغفرت کررہے ہیں۔ جو شخص تمہاری طرح واقعہ میلاد بیان کرے، اس کو نجات ملے گی

(بحوالہ: رضیہ التنویر فی مولد سراج المنیر)

یہ کہنا کہ صحابہ کرام علیہم الرضوان سے مروجہ میلاد منانا ثابت نہیں ہے، ایسا کہنے والوں سے ہمارا سوال ہے کہ کیا کبھی صحابہ کرام علیہم الرضوان نے سالانہ اجتماعات حج کے علاوہ کئے، کبھی ختم بخاری کے اجتماعات کئے، کبھی قرآن و حدیث کانفرنس کا انعقاد کیا، کبھی بڑے بڑے میناروں والی مسجدیں بنوائیں، کبھی شاندار قرآن مجید شائع کئے، قرآن مجید کا دوسری زبان میں ترجمہ و تفسیر لکھی، کبھی آزادی کے جلوس نکالے، کبھی مخصوص فرقے دیوبندی اور اہلحدیث فرقے کے نام سے تبلیغ کی، کبھی تھانوی، میرٹھی، محمدی اور سلفی اپنے نام کے ساتھ لکھا۔ ان تمام کاموں کو انجام دیتے وقت یہ خیال نہیں آتا کہ یہ تمام کام صحابہ کرام رضون اﷲ علیہم اجمعین نے نہیں کئے؟ صرف اور

صرف میلاد النبیﷺ منانے کے متعلق یہ سوال اٹھاتے ہو، کیا یہ میلاد سے عداوت کی دلیل نہیں؟

شب ولادت، شب قدر سے افضل ہے

شاہ عبدالحق محدث دہلوی علیہ الرحمہ فرماتے ہیں:

سرور کونینﷺ کی ولادت کی شب یقینا شب قدر سے زیادہ افضل ہے کیونکہ شب ولادت آپﷺ کی ولادت کی شب ہے اور شب قدر آپﷺ کو عطا کی ہوئی شب ہے

(ماثبت من السنہ صفحہ نمبر 84)

جھنڈے و پرچم لگانے کا ثبوت

شیخ محقق شاہ عبدالحق محدث دہلوی علیہ الرحمہ اپنی کتاب ماثبت من السنہ میں رقم طراز ہیں کہ

حضرت آمنہ رضی اﷲ عنہا نے فرمایا کہ (شب ولادت) میں نے تین پرچم اس طرح دیکھے کہ ان میں سے ایک مشرق میں، دوسرا مغرب میں اور تیسرا خانہ کعبہ کی چھت پر نصب تھا

(ماثبت من السنہ صفحہ نمبر 75) (سیرت حلبیہ جلد اول، صفحہ نمبر 100)

شب ولادت کھڑے ہوکر سلام پڑھنا

حضرت امام سبکی علیہ الرحمہ کی محفل میں کسی نے یہ شعر پڑھا

’’بے شک عزت و شرف والے لوگ سرکاراعظمﷺ کا ذکر سن کر کھڑے ہوجاتے ہیں‘‘

یہ سن کر امام سبکی علیہ الرحمہ اور تمام علماء و مشائخ کھڑے ہوگئے۔ اس وقت بہت سرور اور سکون حاصل ہوا

(سیرت حلبیہ جلد اول، صفحہ نمبر 80)

٭ برصغیر کے معروف محدث اور گیارہویں صدی کے مجدد شاہ عبدالحق محدث دہلوی علیہ الرحمہ فرماتے ہیں کہ میں محفل میلاد میں کھڑے ہوکر سلام پڑھتا ہوں۔ میرا یہ عمل شاندار ہے

(بحوالہ: اخبار الاخیار، صفحہ نمبر 624)

کرسمس اور عید میلاد النبیﷺ میں فرق

کرسمس اور عید میلاد النبیﷺ میں بڑا فرق ہے۔ عیسائی حضرت عیسیٰ علیہ السلام کا یوم (معاذ اﷲ) ان کو خدا ہونے یا خدا کا بیٹا ہونے یا تیسرا خدا ہونے کے لحاظ سے مناتے ہیں۔

لیکن مسلمان اپنے آقا و مولیٰﷺ کی ولادت پر خوشی مناتے ہیں۔ آقا کریمﷺ کو اﷲ تعالیٰ کا بندہ اور معزز رسول مانتے ہیں۔ اب آپ خود فیصلہ کرلیں کہ کتنا بڑا فرق ہے کرسمس اور عید میلاد النبیﷺ منانے میں۔

میلاد النبیﷺ یا وفات النبیﷺ

سب سے پہلی بات یہ ہے کہ علمائے اسلام کا حضورﷺ کی تاریخ وصال میں اختلاف ہے۔ اگر بالفرض اس بات کو تسلیم کرلیا جائے کہ بارہ ربیع الاول آپﷺ کی وصال کی تاریخ ہے پھر بھی اسلام میں وفات کا سوگ صرف تین دن ہے، چنانچہ حدیث شریف ملاحظہ ہو۔

حدیث شریف

ہمیں حکم دیا گیا کہ ہم کسی وفات یافتہ پر تین روز کے بعد غم نہ منائیں مگر شوہر پر چار ماہ دس دن تک بیوی غم منائے گی

(بحوالہ: بخاری شریف، جلد اول، صفحہ نمبر 804، مسلم شریف، جلد اول، صفحہ نمبر 486)

فائدہ

ثابت ہوا کہ تین دن کے بعد وفات کا سوگ منانا ناجائز ہے۔ نبی کے وصال کا غم منانے کا حکم ہوتا تو سرور کونینﷺ ہر جمعہ (یوم ولادت حضرت آدم علیہ السلام) عید منانے کے بجائے سوگ منانے کا حکم دیتے۔

حدیث شریف

حضرت اوس بن اوس رضی اﷲ عنہ سے مروی ہے کہ سید عالمﷺ نے فضیلت جمعہ بیان کرتے ہوئے فرمایا۔ تمہارے دنوں میں سب سے افضل جمعہ کا دن ہے۔ اس میں حضرت آدم علیہ السلام کو پیدا کیا اور اسی میں ان کا وصال ہوا

(بحوالہ: ابو داؤد، کتاب الصلوٰۃ، باب فضل یوم الجمعۃ، حدیث 1047، ص 159، مطبوعہ دارالسلام ریاض ،سعودی عرب)

الحمدﷲ!

قرآن و حدیث کی روشنی میں یہ بات ثابت ہے کہ انبیاء کرام، شہداء اور صالحین اپنی قبور میں جسم و جسمانیت کے ساتھ حیات ہیں۔ جب حضورﷺ حیات ہیں تو پھر سوگ اور غم کیسا؟

اعمال کادارومدار نیتوں پر ہے۔ ہم اہلسنت یوم وفات نہیں بلکہ یوم ولادت کی خوشی مناتے ہیں۔

لفظ ’’میلاد النبیﷺ‘‘ محدثین کا عطا کردہ ہے

نبی کریمﷺ کی ولادت مبارکہ کے احوال کے اظہار و برکات کے سلسلہ میں لفظ میلاد کا اولین استعمال جامع ترمذی میں ہے۔ جامع ترمذی صحاح ستہ میں سے ہے۔ اس میں ایک باب بعنوان ’’ماجاء فی میلاد النبیﷺ‘‘ ہے۔

صاحب مشکوٰۃ نے مشکوٰۃ شریف میں باب باندھا اور اس باب کا نام ’’میلاد النبیﷺ‘‘ رکھا۔

سعودی عرب کا موجودہ اسلامی کلینڈر آپ ملاحظہ فرمائیں۔ اس کلینڈر میں ربیع الاول کے مہینے کی جگہ ’’میلادی‘‘ لکھا ہوا ہے، یعنی یہ میلاد کامہینہ ہے۔

پوری دنیا کے تعلیمی نصاب کو دیکھ لیں۔ تمام نصاب میں اسلامیات کے باب میں ’’عید میلاد النبیﷺ‘‘ کے نام سے باب ملے گا۔ بارہ وفات کے نام سے نہیں ملے گا۔

کیا مروجہ میلاد النبیﷺ ایک ظالم اور عیاش بادشاہ کی ایجاد ہے؟

عید میلاد النبیﷺ سے عداوت رکھنے والے ایک من گھڑت بات یہ بھی پیش کرتے ہیں کہ میلاد کی ابتداء عیاش اور ظالم بادشاہ مظفر الدین نے کی۔ حالانکہ وہ جھوٹ بولتے ہیں۔ مظفر الدین شاہ اربل عیاش نہ تھا بلکہ عادل تھا۔ دیوبندیوں اور غیر مقلدین اہلحدیث کے معتبر مورخ ابن کثیر اپنی کتاب میں لکھتے ہیں:

شاہ اربل مظفر الدین بن زین الدین ربیع الاول میں میلاد شریف مناتا، اور عظیم الشان جشن برپا کرتا تھا۔ وہ ایک نڈر، جانباز، عاقل، عالم اور عادل بادشاہ تھے۔ اﷲ تعالیٰ ان پر رحم فرمائے اور انہیں بلند درجہ عطا فرمائے۔

شیخ ابو الخطاب بن دحیہ نے ان کے لئے میلاد شریف کی ایک کتاب تصنیف کی اور اس کا نام ’’التنویر فی مولد البشیر والنذیر‘‘ رکھا تو انہوں نے شیخ کو ایک ہزار دینار پیش کیا۔ انہوں نے ایک طویل عرصے تک حکمرانی کی اور سات سو تیس ہجری میں جب وہ عکا شہر میں فرنگیوں کے گرد حصار ڈالے ہوئے تھے، ان کا انتقال ہوگیا۔ وہ اچھی سیرت و خصلت کے حامل تھے

(البدایہ والنہایہ، جلد سوم، صفحہ نمبر 136)

سبط ابن جوزی نے مرأۃ الزمان میں ذکر کیا ہے کہ شاہ اربل کے یہاں میلاد شریف میں بڑے بڑے علماء صوفیاء شرکت کرتے تھے

(بحوالہ: الحاوی للفتاویٰ جلد اول، صفحہ نمبر 190)

میلاد کا انکار کرنے والے اپنے علم کو ذرا وسیع کریں تاکہ انہیں ذلیل نہ ہونا پڑے۔

میلاد النبیﷺ کے متعلق علمائے اسلام کے اقوال و افعال

علامہ شہاب الدین احمد بن محمد المعروف امام قسطلانی علیہ الرحمہ فرماتے ہیں۔ حضورﷺ کے پیدائش کے مہینے میں اہل اسلام ہمیشہ سے محفلیں منعقد کرتے آئے ہیں اور خوشی کے ساتھ کھانے پکاتے رہے اور دعوت طعام کرتے رہے ہیں اور ان راتوں میں انواع و اقسام کی خیرات کرتے رہے اور سرور ظاہر کرتے چلے آئے ہیں۔

(مواہب اللدنیہ جلد اول، صفحہ نمبر 27)

حضرت شاہ ولی اﷲ محدث دہلوی علیہ الرحمہ اپنے والد شاہ عبدالرحیم محدث دہلوی علیہ الرحمہ کا واقعہ بیان فرماتے ہیں ’’میرے والد نے مجھے خبر دی کہ میں عید میلاد النبیﷺ کے روز کھانا پکوایا کرتا تھا۔ ایک سال تنگ دست تھا کہ میرے پاس کچھ نہ تھا مگر صرف بھنے ہوئے چنے تھے۔ میں نے وہی چنے تقسیم کردیئے۔ رات کو سرکار دوعالمﷺ کی زیارت سے مشرف ہوا اور کیا دیکھتا ہوں کہ حضورﷺ کے سامنے وہی چنے رکھے ہیں اور آپ خوش ہیں

(بحوالہ: درثمین صفحہ نمبر 8)

حضرت شاہ ولی اﷲ محدث دہلوی علیہ الرحمہ اور ان کے صاحبزادے شاہ عبدالعزیز محدث دہلوی علیہ الرحمہ کا معمول تھا کہ بارہ ربیع الاول کو ان کے ہاں لوگ جمع ہوتے، آپﷺ کا ذکر ولادت فرماتے، پھر کھانا اور مٹھائی تقسیم کرتے

(الدر المنظم صفحہ نمبر 89)

مجلس میلاد میں ناجائز کاموں سے بچیں

میلاد کی محافلوں میں ہر اس چیز کو منع کیا جائے جو شریعت کے خلاف ہو، لیکن اس کا یہ مطلب ہرگز نہیں کہ محافل میلاد کو ختم کردیا جائے بلکہ صحیح طریقہ کار یہ ہونا چاہئے کہ ناجائز اور خلاف شرع کاموں کو ختم کیا جائے۔

 نعت شریف میں میوزک کا استعمال نہ کیا جائے۔ ادب و احترام کے ساتھ محفل کا انعقاد کیا جائے۔ محفل نعت میں نوٹوں کا اڑانا اور ناچنا ناجائز ہے۔

 عورتوں کی اتنی آواز سے مجلس یا نعت پڑھنا کہ اجنبی مردوں تک آواز پہنچے، ناجائز ہے۔

 محفل میلاد میں داڑھی منڈھے، غیر عالم اور نام نہاد اسکالر کو ہرگز نہ بلوائیں، بلکہ مستند عالم دین مستند واقعات میلاد بیان کرے۔

محفل میلاد میں اتنی تاخیر کرنا کہ نماز کا وقت ہی جاتا رہے، ناجائز و حرام ہے، ہاں اگر نماز باجماعت کا اہتمام ہوتو حرج نہیں ہے۔

 محافل میلاد، چراغاں اور نیاز کے لئے جبراً چندہ اور بھتہ لینا ناجائز و حرام ہے۔

 میلاد کے جلوسوں میں نیاز اور دیگر اشیاء کا پھینکنا سخت گناہ و ناجائز ہے۔

 میلاد کے جلوسوں میں بے پردہ عورتوں کا جم غفیر اور گھومنا پھرنا بھی ناجائز ہے۔

 اتنی بلند آواز سے مجلس میلاد منعقد کرنا کہ ضرورت سے زائد ہو، مناسب نہیں ہے کہ اس کی تیز آواز کی وجہ سے گھروں میں بیمار لوگ، بچے، بوڑھے اور وہ لوگ جنیں صبح دفتر جانا ہوتا ہے، ان کے آرام میں خلل واقع ہوتا ہے، یہ حقوق العباد کا معاملہ ہے۔ اس کا خاص خیال رکھا جائے۔

شرک کی اقسام

شرک کی تین اقسام ہیں:

(1)

شرک فی العبادۃ 

(2)

شرک فی الذات 

(3)

شرک فی الصفّات

-=====•••=====-

(1)

 شرک فی العبادۃ سے مُراد ہے کہ اللہ تعالیٰ کے علاوہ کسی اور کو مستحقِ عبادت سمجھا جائے ۔

(2)

 شرک فی الذات سے مُراد ہے کہ کسی ذات کو اللہ تعالیٰ جیسا ماننا، جیسا کہ مجوسی دوخداؤں کو مانتے تھے۔

(3)

 شرک فی الصفّات سے مراد کسی ذات وشخصیت وغیرہ میں اللہ تعالیٰ جیسی صفات ماننا شرک فی الصفّات کہلاتاہے ۔

چنانچہ اللہ تعالیٰ جیسی صفات کسی نبی علیہ السلام میں مانی جائیں ...یا ...کسی ولی علیہ الرحمہ میں تسلیم کی جائیں ، کسی زندہ میں مانی جائیں ...یا... فوت شدہ میں ، کسی قریب والے میں تسلیم کی جائیں ...یا... دور والے میں ، شرک ہر صورت میں شرک ہی رہے گاجو ناقابلِ معافی جرم اورظلمِ عظیم ہے ۔

شیطان شرک فی الصفّات کی حقیقت کو سمجھنے سے روکتاہے اور یہاں اُمّت میں وسوسے پیدا کرتاہے لہٰذا قرآن مجید کی آیات سے اس کو سمجھتے ہیں۔

1)

۔۔۔اللہ تعالیٰ رؤف اور رحیم ہے :

القرآن: اِنَّ اللّٰہَ بِالنَّاسِ لَرَءُ وْفٌ رَّحِیْمٌ۔ترجمہ: بیشک اللہ تعالیٰ لوگوں پر رؤ ف اور رحیم ہے ۔ (سورۂ بقرہ ،آیت143پارہ 2 )

سرکار صلی اللہ علیہ وسلم بھی رؤف اور رحیم ہیں جیساکہ قرآن کریم میں ذکرہے،کہ ۔

لَقَدْ جَآءَ کُمْ رَسُوْلٌ مِّنْ اَنْفُسِکُمْ عَزِیْزٌ عَلَیْہِ مَاعَنِتُّمْ حَرِیْصٌ عَلَیْکُمْ م بِالْمُؤْ مِنِیْنَ رَءُ وْفٌ رَّ حِیْمٌ o

ترجمہ: بیشک تمہارے پاس تشریف لائے تم میں سے وہ رسول جن پر تمہارا مشقت میں پڑنا گراں (بھاری) ہے تمہاری بھلائی کے نہایت چاہنے والے ، مومنوں پر ’’رؤف اور رحیم‘‘ ہیں۔(سورۂ توبہ، آیت128پارہ 11)

پہلی آیت پر غور کریں تو سوال پیدا ہوتاہے کہ رؤف اور رحیم اللہ تعالیٰ کی صفات ہیں پھر دوسری آیت میں سرکارِ اعظم صلی اللہ علیہ وسلم کو رؤف اوررحیم فرمایا گیا، تو کیا یہ شرک ہوگیا؟.....

اس میں تطبیق یوں قائم ہوگی کہ اللہ تعالیٰ ذاتی طور پر رؤف اوررحیم ہے جب کہ سرکارِ اعظم صلی اللہ علیہ وسلم ، اللہ تعالیٰ کی عطا سے رؤف اوررحیم ہیں لہٰذا جہاں ذاتی اورعطائی کا فرق واضح ہوجائے وہاں شرک کا حکم نہیں لگتا

ستاروں کی کیاحقیقت ہے؟؟

موضوع: ستاروں کی کیاحقیقت ہے؟؟

حضرت ابوہریرہ بیان کرتےہیں

رسول الله صلى الله عليه وسلم

نےفرمایا;

کیاتمھیں نہیں معلوم کہ تمھارے

رب نےکیافرمایا؟

اس نےفرمایامیں اپنےبندوں کو

جب کوئی نعمت دیتاہوں توان

میں سےایک گروہ ناشکری کرتا

ہےاورکہتاہےکہ یہ نعمت مجھ کو

فلاں ستارےیاستاروں سےملی

ہے.(صحیح مسلم)

اہل نجوم یعنی ستارہ پرست جو

ستاروں کی تاثیر کےقائل ہیں

کہتےہیں کہ فلاں ستارہ جب

فلاں برج پرپہنچ جاۓ تومثلا

بارش ہوگی یا قحط پڑتاہےیا

دریاؤں اورسمندروں میں

طوفان آتےہیں یافصل پیداہوتی

ہےوغیرہ وغیرہ.

اسی طرح یہ لوگ انسان کےنام

اوراس کی تاریخ پیدائش سے

اس کاستارہ نکالتےہیں اور بتاتے

ہیں کہ اس کی پیدائش کےوقت

اس کاستارہ فلاں برج میں تھا

اوریہ ستارہ سعدہےیانحس ہے

اورپھراس کی زندگی میں رونما

ہونےوالےتمام واقعات کارشتہ

اس ستارےکےسفرسےجوڑتےہیں

کہ جب یہ ستارہ فلاں برج میں

پہنچےگاتومثلا اس کوسفرمیں

کامیابی ہوگی یانوکری ملےگی

وغیرہ وغیرہ.

یہ تمام اٹکل پچو اور ﮈھکوسلے

ہیں اب بھی اخبارات میں اس

قسم کےکالم شائع ہوتےہیں کہ

آپ کایہ ہفتہ کیسےگزرےگااور

اس ہفتہ میں ہونےوالےتمام

واقعات کی پیشگی خبریں دی

جاتی ہیں,

یہ تمام باتیں بےاصل ہیں اور

زمانہ جاہلیت کی یادگارہیں,

اسلام میں انکی کوئی اصل نہیں

ہے, الله تعالی اور اس کےرسول

نےان کاسخت رد کردیاہےاورجو

شخص ان باتوں کوسچ اور حق

باور کرےوہ شریعت محمدی کا

انکارکرتاہےاوراس کےکفرمیں

کوئی شک نہیں.

اسی طرح فٹ پاتھ پربیٹھ کرجو

لوگ طوطےکےﺫریعےقسمت کا

حال بتاتےہیں یاجوہاتھ کی

لکیریں دیکھ کرغیب پرمطلع

کرتےہیں, ان کی بتائی ہوئی

باتوں پریقین کرنابھی کفرہے.

(شرح صحیح مسلم,جلد ١،

علامہ غلام رسول سعیدی

رحمةالله عليه)

حضرت سید شاہ تراب الحق قادری رحمة الله تعالى کی زندگی پر ایک نظر

پیر طریقت رہبر شریعت مرد مومن مرد حق 

حضرت علامہ مولانا سید شاہ تراب الحق قادری نوری جیلانی رحمة الله تعالى

  کی زندگی پر ایک نظر

کراچی،علامہ شاہ سید تراب الحق قادرى علیہ رحمہ قیام پاکستان سے ایک سال قبل 1946ء میں ماہ رمضان کی 27 تاریخ کو بھارتی شهر حیدرآباد دکن کے مضافات میں موضع کلمبر میں پیدا ہوئے۔آپ کے والد کا نام حضرت سید شاہ حسین قادری علیہ رحمہ جبکہ والدہ ماجدہ کا نام اکبر النساء بیگم تھا۔ علامہ شاہ سید تراب الحق قادرى علیہ رحمہ نے ابتدائی تعلیم مدرسہ تحتانیہ دودھ بولی بیرون دروازہ نزد جامعہ نظامیہ حیدرآباد دکن میں حاصل کی۔آپ کا خاندان تقسیم ہند سقوط حیدرآباد دکن کے بعد 1951ء میں بھارت سے ہجرت کرکے پاکستان آیے۔ پاکستان آنے کے بعد پی آئی بی کالونی (کراچی) میں قیام کے دوران ’’فیض عام ہائی اسکول‘‘ میں تعلیم حاصل کی۔ اس کے بعد سسر ع پیر طریقت رہبر شریعت علامہ قاری محمد مصلح الدین صدیقی رحمة الله تعالى کے گھر پر کتابیں پڑھیں، پھر ’’دارالعلوم امجدیہ‘‘ سے دینی تعلیم حاصل کی۔آپ کا نکاح 1966ء میں علامہ قاری محمد مصلح الدین صدیقی رحمة الله تعالى کی دختر نیک اختر سے ہوا۔ جس سے اﷲ تعالیٰ نے تین فرزند سید شاہ سراج الحق، سید شاہ عبدالحق اور سید شاہ فرید الحق اور چھ بیٹیاں عطاکیں۔

تقاریر کا سلسلہ آپ نے 1962ء میں شروع کیا جبکہ آپ ابھی طالب علم تھے، فراغت کے بعد مادر علمی ’’دارالعلوم امجدیہ‘‘ کراچی سے مبلغ کے طور پر خدمات انجام دیں، ہر جلسہ میں ’’دارالعلوم امجدیہ‘‘ کی جانب سے خطیب کے طور پر جانے جاتے تھے۔ وہ ایسا دور تھا کہ آپ ایک دن میں بارہ بارہ تقاریر بھی کرتے تھے۔1968ء میں بریلی شریف حاضر ہوکر امام اہلسنت امام احمد رضا محدث بریلوی رحمة الله تعالى(متوفی 1340ھ) کے چھوٹے فرزند مفتی اعظم ہند حضرت علامہ مولانا مصطفی رضا خان صاحب رحمة الله تعالى کے ہاتھ پر بیعت کی۔

تحریک ختم نبوت اور تحریک نظام مصطفیﷺ میں بھی بھرپور کردار ادا کیا۔ علامہ شاہ سید تراب الحق قادرى علیہ رحمہ نے سیاست میں بھرپورکردار ادا کیا۔جماعت اہلسنت کی خدمت کے حوالے سے آپ متعدد عہدوں پر فائز ہوئے جن میں چند مندرجہ ذیل ہیں

1: کونسلر، کراچی میٹرو پولیٹن کارپوریشن

2 چیئرمین، تعلیمی کمیٹی کراچی میٹرو پولیٹن کارپوریشن،

3 رکن،لاء کمیٹی کراچی میٹرو پولیٹن کارپوریشن

4 رکن ، انٹرمیڈیٹ بورڈ کراچی

5 رکن قومی اسمبلی 1985ء میں حلقہ NA-190 کراچی سائوتھ، جماعت اسلامی کراچی کے محمد حسین محنتی کو بھاری اکثریت سے ہرا کر قومی اسمبلی کے رکن منتخب ہوئے اور پھر قومی اسمبلی میں نظام مصطفی گروپ بنایا،

6 چیئرمین، انسداد جرائم کمیٹی کراچی،

7 ڈائریکٹر، جاویداں سیمنٹ فیکٹری (سرکاری نامزدگی)

8 رکن ، مرکزی رویت ہلال کمیٹی پاکستان

9 چیئرمین، مدرسہ انور القرآن قادریہ رضویہ کراچی،

10چیئرمین، جامعہ انوار القرآن قادریہ رضویہ گلشن اقبال کراچی

11چیئرمین، مصلح الدین ویلفیئر سوسائٹی کراچی

چیئرمین، المسلم ویلفیئر سوسائٹی کراچی،

13: ٹرسٹی / ناظم تعلیمات، دارالعلوم امجدیہ عالمگیر روڈ کراچی

،14: امیر، جماعت اہلسنت پاکستان کراچی،

15: ناظم، جماعت اہلسنت ورلڈ

،16: رکن، کمیٹی برائے سنی سیکریٹریٹ لاہور

،17: پہلے رکن سنی تحریک علماء بورڈ،

18: سرپرست اعلیٰ تحریک عوام اہلسنت،

19: سرپرست اعلیٰ تحریک اتحاد اہلسنت

20: سرپرست اعلیٰ بزمِ رضا،

21: سرپرست اعلیٰ دارالعلوم مصلح الدین

،22: سرپرست اعلیٰ جمعیت اشاعت اہلسنت

23: رکن سنی رہبر کونسل

24: رکن سنی اتحاد کونسل

25: سرپرست انجمن اشاعت اسلام،(جو 1986ء میں تقریبا ختم ہوگئی، پھر 1991ء میں حضرت علامہ مولانا عرفان صاحب ضیائی نے جمعیت اشاعت اہلسنت (پاکستان) کے نام سے حضرت شاہ صاحب کی سرپرستی میں قائمکی جو اب تک کام کررہی ہے)۔

علامہ شاہ سید تراب الحق قادرى علیہ رحمہ نے تفسیر، حدیث شریف، فقہ حنفی، عقائد، تصوف اور فضائل وغیرہ کے موضوعات پر مندرجہ ذیل کتب لکھ کر علمی خدمات سرانجام دیں

1: تصوف و طریقت

2: خواتین اور دینی مسائل

3: ضیاء الحدیث

4: جمال مصطفیﷺ

5: امام اعظم ابوحنیفہ رح

6: مزارات اولیاء اور توسل

7: فلاح دارین

8: رسول خدا کی نماز

9: مبلغ بنانے والی کتاب

10: حضورﷺ کی بچوں سے محبت

11: دینی تعلیم

12: تفسیر سورۂ فاتحہ

13: مبارک راتیں

14: اسلامی عقائد

15: تفسیر سورۂ والضحیٰ تا سورۂ الناس

16: جنتی لوگ کون؟

17: مسنون دعائیں

18: فضائل شعبان المعظم

19: فضائل صحابہ و اہلبیت

ان کی اور بھی بے شمار سیاسی و دینی خدمات ہیں ۔ جو یہاں مختصر تحریر میں جمع کرنا ممکن نہیں۔

اسلام نے عورت کو کیا دیا

اسلام نے عورت کو کیا دیا

اسلام سے پہلے ماں کا مقام 

ماں وہ پاکیزہ رشتہ ہے کہ جس کا خیال آتے ہی ایثار، قُربانی، وفاداری اور شفقت و مہربانی کی تصویر آنکھوں کے سامنے آ جاتی ہے لیکن افسوس اِسلام سے پہلے محبّت و رَحمت کی پَیکر ماں  کو  زمانَۂ جاہلیت نے اذیّتوں اور دُکھوں کے سوا کچھ نہ دیا۔اپنا ہی بیٹا باپ کے مرنے کے بعد ماں کو مہر کے بدلے فروخت کر دیت ا،کبھی اسی ماں کو جائیداد کی طرح بانٹ لیتا توکبھی باپ کی بیوہ کو (مَعَاذَ اللہ) بیوی بنا لیتا۔ اسلام نےان جاہِلانہ رُسومات کایوں خاتمہ فرمایا:

ترجمۂ کنزالایمان

(اے ایمان والو تمہیں حلال نہیں کہ عورتوں کے وارث بن جاؤ زبردستی    (پارہ #4/ النساء19

دوسرے مقام پرفرمایا

(اور باپ دادا کی منکوحہ سے نکاح نہ کرو.    (پارہ # 4/ النساء:22

اسلام سے پہلے ماں کو نہ صرف وراثت سے محروم کر دیا جاتا بلکہ اس کی اپنی  دولت چھین کر اُسے”مال و متاع“ کی طرح آج اِدھر تو کل اُدھر  رہنے پر مجبور کردیا جاتا جبکہ اسلام نے ماں کو وراثت میں سے کبھی  چھٹے توکبھی  تیسرے  حصّے کا حق دار قرار دیا۔    پارہ #4/ النساء 11

اسلام نے ماں کو عظمت دی

اسلامی تعلیمات سے دور، غیراِسلامی مُعاشَروں میں آج بھی ماں کی حالت دورِجاہلیت کے رَوَیّوں سے زیادہ مختلف نہیں ۔جس  ماں نے  نو (9) مہینے تک خونِ جگر سے بچے کی پرورش کی، اس کی ولادت کی تکلیفوں کو برداشت کیا، ولادت کے بعد اس کی راحت کے لئے اپنا آرام و سکون  نچھاور کیا اُس ماں کو گھر میں عزّت  کا مقام دینے کی بجائے نہ صرف اس کی خدمت سے  جی چرایا بلکہ کُتّوں کو اپنے ساتھ بستر پر جگہ دے کر ماں کو اولڈ ہاؤس(Old House) کے سپرد کر دیا ہے جبکہ اِسلام میں عورت بحیثیت ماں ایک مُقدّس مقام رکھتی ہے۔ ماں کے قدموں تَلے جنّت، اس کی ناراضی میں رب عَزَّوَجَلَّ کی ناراضی اور اس کی رضا میں رب عَزَّوَجَلَّ کی رضا پَوشیدہ ہے۔ اسلام اولاد کو ماں  کی خدمت  اور اس کے ساتھ حُسنِ سُلوک کا پابند بناتا ہے۔

رسولُ اللہ صَلَّی اللہُ تَعَالیٰ عَلَیْہِ وَاٰلِہٖ وَسَلَّم نے اپنی رضاعی والدہ حضرت حلیمہ سعدیہ رَضِیَ اللہُ تَعَالٰی عَنہا  کے آنے پر اُن کےلئے اپنی مُبارَک چادر بچھادی۔

(ابوداؤد # جلد: 4/ صفحہ :434/ حدیث: 5144)

 ایک صحابی رَضِیَ اللہُ تَعَالٰی عَنہ کے تین بار یہ پوچھنے پر کہ میرے حُسنِ سُلوک کا سب سے زیادہ حقدار کون ہے ؟ تین بار فرمایا: تیری ماں، چوتھی بار اسی سوال کے جواب میں فرمایا :تیرا باپ۔

 (بخاری #جلد : 4 /صفحہ :93 / حدیث: 5971)

ماں کی خدمت کا درس:

اسلام ماں کی خدمت  کا درس دیتا اور اطاعت گزار اولادکے لیے محبت و شفقت سے ماں یا باپ  کے چہرے پر ڈالی جانے والی ہر نظر کے بدلے مقبول حج کی بشارت عطا فرماتا ہے۔

 (شعب الایمان # جلد :6 /صفحہ :186/ حدیث:7856)

یہ اسلام ہی ہے جس نے والدہ کو جنّت کا درمیانی دروازہ قرار دیا۔ (مسنداحمد # جلد: 8/ صفحہ :169 /حدیث: 21785)

ماں کی خدمت نے ہی ایک قصّاب (گوشت کا کام کرنے والے) کو جنّت میں حضرت موسیٰ عَلَیْہِ السَّلَام کا پڑوسی بنا دیا۔ (درّۃُ الناصحین #صفحہ :52)

بزرگانِ دین کا اپنی ماؤں کے ساتھ رویہ:

جن ماؤں نے اپنی اولاد کو اسلام کی تعلیم دی انہوں نے اپنےاَقوال واَفعال سے ماں کی عظمت کو یوں ظاہر فرمایا: حضرت عبداللہ بن عَون رَحْمَۃُ اللہِ تَعَالٰی عَلَیْہ نے والدہ کے سامنے آواز اُونچی ہو جانے پر دوغلام آزاد کئے ۔

(حلیۃ الاولیاء # جلد: 3/ صفحہ :45/ رقم:3103)

مشہور تابعی بزرگ حضرت طَلْقْ رَحْمَۃُ اللہِ تَعَالٰی عَلَیْہ اُس مکان کی چھت پر تعظیماً نہ چلتے جس کے نیچے ان کی والدہ ہوتیں۔

(برالوالدین #صفحہ :78)

اسلام کے ان احسانات  کی قدر کرتے ہوئے ہر ”ماں“ کو چاہئے کہ خود بھی اسلام کی تعلیمات پر عمل کرے اور اپنی اولاد کو بھی علم ِ دین کے زیور سے آراستہ کرے۔

اسلام نے ماں کو کتنی عظمت سے نوازا

حدیث نجد اور تاریخِ نجد و حجاز

:حدیث نجد

حضرت عبداللہ بن عمر رضی اﷲ عنہما روایت کرتے ہیں کہ حضور نبی اکرم صلی اللہ علیہ وسلّم نے دعا فرمائی: اے اللہ !ہمارے لئے ہمارے شام میں برکت عطا فرما، اے اللہ! ہمیں ہمارے یمن میں برکت عطا فرما، (بعض)لوگوں نے عرض کیا: یا رسول اللہ!ہمارے نجد میں بھی؟ آپ صلّی اللہ علیہ وسلّم نے (پھر) دعا فرمائی: اے اللہ! ہمارے لئے ہمارے شام میں برکت عطا فرما۔ اے اللہ!  ہمارے لئے یمن میں برکت عطا فرما۔ (بعض) لوگوں نے (پھر ) عرض کیا: یا رسول اللہ! ہمارے نجد میں بھی، میرا خیال ہے کہ  آپ صلّی اللہ علیہ وسلّم نے تیسری مرتبہ فرمایا: وہاں زلزلے اور فتنے ہیں اور شیطان کا سینگ  (فتنہ وہابیّت و نجدیّت) وہیں سے نکلے گا۔

صحیح بخاری 2598/6، حدیث 6681۔

اس حدیث میں تین متعین خطوں کے نام لئے گئے ہیں لیکن کچھ احباب شام اور یمن کو تو علاقائی طورپر لیتے ہیں لیکن جب نجد کی باری آتی ہے تو یہ احباب نجد کے لغوی معنی نکال لاتے ہیں اور کہتے ہیں کہ یہ نجد ریاض مراد نہیں بلکہ ابھری ہوئی زمین مراد ہے، اور عرب میں بارہ نجد ہیں۔ حالانکہ حدیث کا لب و لباب واضع ہے کہ تین متعین خطے ہیں۔ جب ہم دو خطوں کے لغوی معنی اخذ نہیں کرتے ہیں تو پھر ہم تیسرے خطے کا لغوی معنی کیونکر اخذ کرسکتے ہیں؟. حضور صلی اللہ علیہ وآلہ وسلم کے دور میں جو خطہ نجد کے نام سے مشہور تھا دراصل وہی نجد کا خطہ اس حدیث میں مراد ہے.

اس حدیث سے متعلق آئمہ کرام نے جو شرح بیان کی ہے وہ درج ذیل کتاب میں درج ہے۔

شرح حدیث نجد کا ڈاؤن لوڈنگ لنک 

DOWNLOAD BOOK CLICK HERE

تاریخ نجدوحجاز کا ڈاؤن لوڈنگ لنک

DOWNLOAD BOOK CLICK HERE

اسلام کی فتح

وہ دور حضرت فاروق اعظم رضی اللہ عنہ کا دور خلافت تھا کہ ہر طرف اسلام سورج کی روشنی کی طرح پھیل رہا تھا, نئے نئے ملک اور شہر فتح ہورہے تھے, یہاں تک کہ حضرت صہیب رضی اللہ عنہ کہتے ہیں کہ جب عمر اسلام لاے تو اسلام  ظاہر ہوگیا, کیوں کہ عمر وہ واحد شخص ہے جس نے اعلانیہ اسلام قبول کیا, اعلانیہ ہجرت کی,آپ کے اسلام لانے کی وجہ سے اعلانیہ طواف ہونے لگا, لوگ اعلانیہ اسلام قبول کرنے لگے, اسلام کی کھلے عام دعوت دی جانے لگی, یہ ساری عزتیں حضرت عمر رضی اللہ عنہ کے ایمان لانے کی وجہ سے اسلام کو ملیں,  اسی لیے دربار رسالت سے آپ کو فاروق کا لقب ملا, کہ حضرت فاروق اعظم رضی اللہ عنہ کے ایمان لانے کی وجہ سے ہی اسلام ظاہر ہوا ہے, اور حق اور باطل میں فرق واضح ہوگیا,

اور کیوں نہ ہو کہ حضور سید عالم صلی اللہ علیہ وسلم نے بلخصوص حضرت فاروق اعظم رضی اللہ عنہ کے لیے دعا فرمای تھی, چنانچہ حاکم کی روایت ہے حضور علیہ السلام نے فرمایا:

"رب العالمین ! عمر بن خطاب سے اسلام کو غلبہ عطا فرما".

تو حضرت عمر رضی اللہ عنہ کے دور خلافت میں جس قدر فتوحات ہوئیں,اور جس قدر اسلام کو عروج ملا وہ درحقیقت حضور علیہ السلام کی اس دعا کا ہی ثمرہ تھا, جو اللہ تعالی نے عمر کے زریعے سے اسلام کو دیا, یہ حضرت فاروق اعظم رضی اللہ عنہ کا کامل ایمان تھا اور آپکی اپنے نبی کریم علیہ السلام سے سچی محبت تھی کہ آپ نے خلافت کے امور بخوبی انجام دیے, اسلام کا پیغام دنیا میں پہنچایا, اسلامی احکام نافذ کیے.

بعض لوگ کہتے ہیں کہ حضرت عمر بہت سخت تھے, یہ بات کسی نے حضرت صدیق اکبر رضی اللہ عنہ سے کہہ دی, کہ آپ اللہ کو کیا جواب دینگے کہ آپ ایسے شخص کو خلیفہ بنا کر جارہے ہیں جو بہت سخت ہیں, فرمایا میں اللہ کی بارگاہ میں عرض کرونگا کہ الہی میں نے تیرے بندوں میں سے سب سے بہتر بندے کو خلیفہ مقرر کیا.

شرعی حدود قائم کرنا نہ ظلم ہے نہ سختی, دشمن اسلام اسے انسانی آزادی کے خلاف قرار دیتے ہیں,ہم کہتے ہیں کہ یہ ظلم نہیں انصاف ہے, دنیاوی قانون میں بھی مجرموں کو سزا دی جاتی ہے, تو اس بنیاد پر اگر کوئی کہے کہ عمر سخت مزاج تھے تو میں کہونگا کہ یہ درست نہیں ہے, مؤطا امام مالک کی روایت ہے, حضرت سعید بن مسیب رضی اللہ عنہ فرماتے ہیں کہ اللہ تعالی معافی کو پسند فرماتا ہے سوائے حدود کے, کہ حدود معاف کرنے کو ناپسند فرماتا ہے,

تو حضرت فاروق اعظم رضی اللہ عنہ شرعی احکام نافذ کرنے میں سخت تھے نہ کہ اخلاقیات کے حوالے سے,

ہم اہلسنت کے نزدیک حضرت فاروق اعظم رضی اللہ عنہ ابو بکر صدیق رضی اللہ عنہ کی وصیت کے مطابق دوسرے خلیفہ مقرر ہوے, اور تمام صحابہ کرام بشمول حضرت علی رضی اللہ عنہ کے سب نے آپ کے ہاتھ پر بیعت کی, حضرت صدیق اکبر رضی اللہ عنہ اور حضرت فاروق اعظم رضی اللہ عنہ کی خلافت پر تمام صحابہ کرام کا اجماع ہے, اور صحابہ کرام کے اجماع کا انکار ایسے ہی کفر ہے جیسے قرآن کی آیت کا انکار کفر ہے.

سب سے پہلےحضرت فاروق اعظم رضی اللہ عنہ کو ہی امیر المؤمنین کا لقب ملا, آپ کے فضائل میں بہت احادیث موجود ہیں, چنانچہ بخاری میں ہے حضور علیہ الصلاة و السلام نے فرمایا قسم ہے اس ذات کی جس کے قبضہ قدرت میں میری جان ہے اے عمر جس راستے پر تم چلوگے اس راستے پر شیطان نہیں چلے گا بلکہ دوسرا رستہ اختیار کرےگا.

ہمیں اپنے محبوب کے فرمان پر یقین ہے, آج الحمد للہ ہم عمر کے راستے پر ہیں اور شیطان نے الگ رستہ بنالیا ہے,

واقعی اے عمر, آپ فاروق ہیں, فقط آپ کے نام سے آج بھی حق اور باطل کی پہچان ہوتی ہے,

آخر میں اتنا کہونگا کہ حضرت فاروق اعظم رضی اللہ عنہ سے اسلام کو عروج ملا, اور آپ کے دنیا سے چلے جانے سے فتنوں کے دروازے کھل گے یہاں تک کہ طبرانی سے روایت ہے حضور علیہ السلام نے فرمایا کہ عمر کی موت پر اسلام رویا ہے, مگر یہ موت تو ایک وعدہ ہے آج بھی مسجد کی اذانوں میں عمر زندہ ہے..

ازقلم:  نادر رضا حسنی نوری 

محبتِ وطن کی شرعی حیثیت

سوال: محبتِ وطن کی شرعی حیثیت کیا ہے؟ کیا وطن سے محبت کرنا جائز ہے؟

 قرآن وحدیث کی روشنی میں مدلّل حکم درکار ہے۔ نیز اس حوالے سے پائے جانے والے اِشکالات کا اِزالہ بھی مطلوب ہے۔

جواب: انسان کیا حیوان بھی جس سر زمین میں پیدا ہوتا ہے، اُس سے محبت و اُنس اس کی فطرت میں ہوتی ہے۔ چرند، پرند، درند حتیٰ کہ چیونٹی جیسی چھوٹی بڑی کسی چیز کو لے لیجئے، ہر ایک کے دل میں اپنے مسکن اور وطن سے بے پناہ اُنس ہوتا ہے۔ ہر جاندار صبح سویرے اٹھ کر روزی پانی کی تلاش میں زمین میں گھوم پھر کر شام ڈھلتے ہی اپنے ٹھکانے پر واپس آجاتا ہے۔ ان بے عقل حیوانات کو کس نے بتایا کہ ان کا ایک گھر ہے، ماں باپ اور اولاد ہے، کوئی خاندان ہے؟ اپنے گھر کے در و دیوار، زمین اور ماحول سے صرف حضرتِ انسان کو ہی نہیں بلکہ حیوانات کو بھی اُلفت و محبت ہوجاتی ہے۔

قرآن کریم اور سنّتِ مقدسہ میںاس حقیقت کو شرح و بسط سے بیان کیا گیا ہے۔ ذیل میں ہم اِس حوالے سے چند نظائر پیش کرتے ہیں تاکہ نفسِ مسئلہ بخوبی واضح ہوسکے۔

محبتِ وطن: قرآن کی روشنی میں:

1۔ حضرت موسیٰ علیہ السلام اپنی قوم بنی اسرائیل کو اپنی مقبوضہ سرزمین میں داخل ہونے اور قابض ظالموں سے اپنا وطن آزاد کروانے کا حکم دیتے ہوئے فرماتے ہیں:

يٰـقَوْمِ ادْخُلُوا الْاَرْضَ الْمُقَدَّسَةَ الَّتِيْ کَتَبَ اﷲُ لَکُمْ وَلَا تَرْتَدُّوْا عَلٰٓی اَدْبَارِکُمْ فَتَنْقَلِبُوْا خٰسِرِيْنَo

(المائدة، 5: 21)

اے میری قوم! (ملک شام یا بیت المقدس کی) اس مقدس سرزمین میں داخل ہو جاؤ جو اﷲ نے تمہارے لیے لکھ دی ہے اور اپنی پشت پر (پیچھے) نہ پلٹنا ورنہ تم نقصان اٹھانے والے بن کر پلٹو گے۔

2۔ حضرت ابراہیم علیہ السلام کا شہر مکہ کو امن کا گہوارہ بنانے کی دعا کرنا درحقیقت اس حرمت والے شہر سے محبت کی علامت ہے۔ قرآن فرماتا ہے:

وَاِذْ قَالَ اِبْرٰهِيْمُ رَبِّ اجْعَلْ هٰذَا الْبَلَدَ اٰمِنًا وَّاجْنُبْنِيْ وَبَنِيَ اَنْ نَّعْبُدَ الْاَصْنَامَo

(إبراهيم، 14: 35)

اور (یاد کیجیے) جب ابراہیم (علیہ السلام) نے عرض کیا: اے میرے رب! اس شہر (مکہ) کو جائے امن بنا دے اور مجھے اور میرے بچوں کو اس (بات) سے بچا لے کہ ہم بتوں کی پرستش کریں۔

3۔ اپنی اولاد کو مکہ مکرمہ میں چھوڑنے کا مقصد بھی اپنے محبوب شہر کی آبادکاری تھا۔ انہوں نے بارگاهِ اِلٰہ میں عرض کیا:

رَبَّنَآ اِنِّيْٓ اَسْکَنْتُ مِنْ ذُرِّيَّتِيْ بِوَادٍ غَيْرِ ذِيْ زَرْعٍ عِنْدَ بَيْتِکَ الْمُحَرَّمِلا رَبَّنَا لِيُقِيْمُوا الصَّلٰوةَ فَاجْعَلْ اَفْئِدَةً مِّنَ النَّاسِ تَهْوِيْٓ اِلَيْهِمْ وَارْزُقْيُمْ مِّنَ الثَّمَرٰتِ لَعَلَّيُمْ يَشْکُرُوْنَo

(إبراهيم، 14: 37)

اے ہمارے رب! بے شک میں نے اپنی اولاد (اسماعیل علیہ السلام) کو (مکہ کی) بے آب و گیاہ وادی میں تیرے حرمت والے گھر کے پاس بسا دیا ہے، اے ہمارے رب! تاکہ وہ نماز قائم رکھیں پس تو لوگوں کے دلوں کو ایسا کر دے کہ وہ شوق و محبت کے ساتھ ان کی طرف مائل رہیں اور انہیں (ہر طرح کے) پھلوں کا رزق عطا فرما، تاکہ وہ شکر بجا لاتے رہیں۔

4۔ سورہ توبہ کی درج ذیل آیت میں مَسٰکِن سے مراد مکانات بھی ہیں اور وطن بھی ہے:

قُلْ اِنْ کَانَ اٰبَآؤُکُمْ وَاَبْنَآؤُکُمْ وَاِخْوَانُکُمْ وَاَزْوَاجُکُمْ وَعَشِيْرَتُکُمْ وَاَمْوَالُ نِ اقْتَرَفْتُمُوْهَا وَتِجَارَةٌ تَخْشَوْنَ کَسَادَهَا وَمَسٰکِنُ تَرْضَوْنَهَآ اَحَبَّ اِلَيْکُمْ مِّنَ اﷲِ وَرَسُوْلِهِ وَجِهَادٍ فِيْ سَبِيْلِهِ فَتَرَبَّصُوْا حَتّٰی يَاْتِيَ اﷲُ بِاَمْرِهِط وَاﷲُ لَا يَهْدِی الْقَوْمَ الْفٰسِقِيْنَo

(التوبة، 9: 24)

(اے نبی مکرم!) آپ فرما دیں: اگر تمہارے باپ (دادا) اور تمہارے بیٹے (بیٹیاں) اور تمہارے بھائی (بہنیں) اور تمہاری بیویاں اور تمہارے (دیگر) رشتہ دار اور تمہارے اموال جو تم نے (محنت سے) کمائے اور تجارت و کاروبار جس کے نقصان سے تم ڈرتے رہتے ہو اور وہ مکانات جنہیں تم پسند کرتے ہو، تمہارے نزدیک اللہ اور اس کے رسول (صلی اللہ علیہ وآلہ وسلم) اور اس کی راہ میں جہاد سے زیادہ محبوب ہیں تو پھر انتظار کرو یہاں تک کہ اللہ اپنا حکمِ (عذاب) لے آئے، اور اللہ نافرمان لوگوں کو ہدایت نہیں فرماتا۔

اﷲ تعالیٰ نے یہاں محبتِ وطن کی نفی نہیں فرمائی صرف وطن کی محبت کو اﷲ اور رسول صلی اللہ علیہ وآلہ وسلم اور جہاد پر ترجیح دینے سے منع فرمایا ہے۔ لہٰذا اِس آیت سے بھی وطن سے محبت کا شرعی جواز ملتا ہے۔

5۔ اسی طرح درج ذیل آیت مبارکہ میں وطن سے ناحق نکالے جانے والوں کو دفاعی جنگ لڑنے کی اجازت مرحمت فرمائی گئی ہے:

اُذِنَ لِلَّذِيْنَ يُقٰـتَلُوْنَ بِاَنَّهُمْ ظُلِمُوْاط وَاِنَّ اﷲَ عَلٰی نَصْرِهِمْ لَقَدِيْرُo نِالَّذِيْنَ اُخْرِجُوْا مِنْ دِيَارِهِمْ بِغَيْرِ حَقٍّ اِلَّآ اَنْ يََّقُوْلُوْا رَبُّنَا اﷲُ.

(الحج، 22: 39-40)

ان لوگوں کو (فتنہ و فساد اور اِستحصال کے خلاف دفاعی جنگ کی) اجازت دے دی گئی ہے جن سے (ناحق) جنگ کی جارہی ہے اس وجہ سے کہ ان پر ظلم کیا گیا، اور بے شک اﷲ ان (مظلوموں) کی مدد پر بڑا قادر ہے۔ (یہ) وہ لوگ ہیں جو اپنے گھروں سے ناحق نکالے گئے صرف اس بنا پر کہ وہ کہتے تھے کہ ہمارا رب اﷲ ہے (یعنی انہوں نے باطل کی فرمانروائی تسلیم کرنے سے انکار کیا تھا)۔

6۔ اِسی طرح حضرت موسیٰ علیہ السلام کے بعد بنی اسرائیل جب اپنی کرتوتوں کے باعث ذلت و غلامی کے طوق پہنے بے وطن ہوئے تو ٹھوکریں کھانے کے بعد اپنے نبی یوشع یا شمعون یا سموئیل علیہ السلام سے کہنے لگے کہ ہمارے لئے کوئی حاکم یا کمانڈر مقرر کر دیں جس کے ماتحت ہو کے ہم اپنے دشمنوں سے جہاد کریں اور اپنا وطن آزاد کروائیں۔ نبی علیہ السلام نے فرمایا: ایسا تو نہیں ہوگا کہ تم پر جہاد فرض کردیا جائے اور تم نہ لڑو؟ اِس پر وہ کہنے لگے:

مَا لَنَآ اَلَّا نُقَاتِلَ فِيْ سَبِيْلِ اﷲِ وَقَدْ اُخْرِجْنَا مِنْ دِيَارِنَا وَاَبْنَـآئِنَاط فَلَمَّا کُتِبَ عَلَيْهِمُ الْقِتَالُ تَوَ لَّوْا اِلَّا قَلِيْلاً مِّنْهُمْط وَاﷲُ عَلِيْمٌم بِالظّٰلِمِيْنَo

(البقرة، 2: 246)

ہمیں کیا ہوا ہے کہ ہم اﷲ کی راہ میں جنگ نہ کریں حالاں کہ ہمیں اپنے وطن اور اولاد سے جدا کر دیا گیا ہے، سو جب ان پر (ظلم و جارحیت کے خلاف) قتال فرض کر دیا گیا تو ان میں سے چند ایک کے سوا سب پھر گئے، اور اﷲ ظالموں کو خوب جاننے والا ہے۔

مذکورہ بالا آیت میں وطن اور اولاد کی جدائی کروانے والوں کے خلاف جہاد کا حکم دیا گیا ہے۔

7۔ اسی طرح درج ذیل آیت مبارکہ میں اﷲ تعالیٰ نے دیگر نعمتوں کے ساتھ مسلمانوں کو آزاد وطن ملنے پر شکر بجا لانے کی ترغیب دلائی ہے:

وَاذْکُرُوْٓا اِذْ اَنْتُمْ قَلِيْلٌ مُّسْتَضْعَفُوْنَ فِی الاَرْضِ تَخَافُوْنَ اَنْ يَّتَخَطَّفَکُمُ النَّاسُ فَاٰوٰکُمْ وَاَيَّدَکُمْ بِنَصْرِهِ وَرَزَقَکُمْ مِّنَ الطَّيِّبٰتِ لَعَلَّکُمْ تَشْکُرُوْنَo

(الأنفال، 8: 26)

اور (وہ وقت یاد کرو) جب تم (مکی زندگی میں عدداً) تھوڑے (یعنی اقلیّت میں) تھے ملک میں دبے ہوئے تھے (یعنی معاشی طور پر کمزور اور استحصال زدہ تھے) تم اس بات سے (بھی) خوفزدہ رہتے تھے کہ (طاقتور) لوگ تمہیں اچک لیں گے (یعنی سماجی طور پر بھی تمہیں آزادی اور تحفظ حاصل نہ تھا) پس (ہجرت مدینہ کے بعد) اس (اللہ) نے تمہیں (آزاد اور محفوظ) ٹھکانا (وطن) عطا فرما دیا اور (اسلامی حکومت و اقتدار کی صورت میں) تمہیں اپنی مدد سے قوت بخش دی اور (مواخات، اموالِ غنیمت اور آزاد معیشت کے ذریعے) تمہیں پاکیزہ چیزوں سے روزی عطا فرما دی تاکہ تم (اللہ کی بھرپور بندگی کے ذریعے اس کا) شکر بجا لا سکو۔

درج بالا میں مذکور سات آیاتِ قرآنیہ سے وطن کے ساتھ محبت کرنے، وطن کی خاطر ہجرت کرنے اور وطن کی خاطر قربان ہونے کا شرعی جواز ثابت ہوتا ہے۔

محبتِ وطن: احادیث مبارکہ کی روشنی میں:

احادیث مبارکہ میں بھی اپنے وطن سے محبت کی واضح نظائر ملتی ہیں، جن سے محبتِ وطن کی مشروعیت اور جواز کی مزید وضاحت ہوتی ہے۔

1۔ حدیث، تفسیر، سیرت اور تاریخ کی تقریبا ہر کتاب میں یہ واقعہ مذکور ہے کہ جب حضور نبی اکرم صلی اللہ علیہ وآلہ وسلم پر نزولِ وحی کا سلسلہ شروع ہوا تو سیدہ خدیجہ رضی اللہ عنہا آپ صلی اللہ علیہ وآلہ وسلم کو اپنے چچا زاد بھائی ورقہ بن نوفل کے پاس لے گئیں۔ ورقہ بن نوفل نے حضور نبی اکرم صلی اللہ علیہ وآلہ وسلم سے نزولِ وحی کی تفصیلات سن کر تین باتیں عرض کیں:

آپ کی تکذیب کی جائے گی یعنی آپ کی قوم آپ کو جھٹلائے گی

آپ کو اذیت دی جائے گی اور

آپ کو اپنے وطن سے نکال دیا جائے گا۔

اِس طرح ورقہ بن نوفل نے بتایا کہ اعلانِ نبوت کے بعد حضور نبی اکرم صلی اللہ علیہ وآلہ وسلم کو اپنی قوم کی طرف سے کن کن مسائل کا سامنا کرنا پڑے گا۔

امام سہیلی نے الروض الأنف میں باقاعدہ یہ عنوان باندھا ہے: حُبُّ الرَّسُوْلِ صلی الله عليه وآله وسلم وَطْنَهُ (رسول صلی اللہ علیہ وآلہ وسلم کی اپنے وطن کے لیے محبت)۔ اس عنوان کے تحت امام سہیلی لکھتے ہیں کہ جب ورقہ بن نوفل نے آپ صلی اللہ علیہ وآلہ وسلم کو بتایا کہ آپ کی قوم آپ کی تکذیب کرے گی تو آپ صلی اللہ علیہ وآلہ وسلم نے خاموشی فرمائی۔ ثانیاً جب اس نے بتایا کہ آپ صلی اللہ علیہ وآلہ وسلم کی قوم آپ صلی اللہ علیہ وآلہ وسلم کو تکلیف و اذیت میں مبتلا کرے گی تب بھی آپ صلی اللہ علیہ وآلہ وسلم نے کچھ نہ کہا۔ تیسری بات جب اس نے عرض کی کہ آپ صلی اللہ علیہ وآلہ وسلم کو اپنے وطن سے نکال دیا جائے گا تو آپ صلی اللہ علیہ وآلہ وسلم نے فورا فرمایا:

أَوَ مُخْرِجِيَّ؟

کیا وہ مجھے میرے وطن سے نکال دیں گے؟

یہ بیان کرنے کے بعد امام سہیلی لکھتے ہیں:

فَفِيْ هٰذَا دَلِيْلٌ عَلٰی حُبِّ الْوَطَنِ وَشِدَّةِ مُفَارَقَتِهِ عَلَی النَّفْسِ.

اِس میں آپ صلی اللہ علیہ وآلہ وسلم کی اپنے وطن سے شدید محبت پر دلیل ہے اور یہ کہ اپنے وطن سے جدائی آپ صلی اللہ علیہ وآلہ وسلم پر کتنی شاق تھی۔

(الروض الأنف للسهيلی، 1: 413-414، طرح التثريب فی شرح التقريب للعراقی، 4: 185)

اور وطن بھی وہ متبرک مقام کہ اﷲ تعالیٰ کا حرم اور اس کا گھر پڑوس ہے جو آپ صلی اللہ علیہ وآلہ وسلم کے محترم والد حضرت اسماعیل علیہ السلام کا شہر ہے۔ آپ صلی اللہ علیہ وآلہ وسلم نے پہلی دونوں باتوں پر کوئی ردِ عمل ظاہر نہیں فرمایا لیکن جب وطن سے نکالے جانے کا تذکرہ آیا تو فورا فرمایا کہ کیا میرے دشمن مجھے یہاں سے نکال دیں گے؟ حضور نبی اکرم صلی اللہ علیہ وآلہ وسلم کا سوال بھی بہت بلیغ ہے۔ آپ صلی اللہ علیہ وآلہ وسلم نے الف اِستفہامیہ کے بعد واؤؔ کو ذکر فرمایا اور پھر نکالے جانے کو مختص فرمایا۔ اس کی وجہ یہ ہے کہ یہ واؤؔ سابقہ کلام کو ردّ کرنے کے لیے آتی ہے اور مخاطب کو یہ شعور دلاتی ہے کہ یہ اِستفہام اِنکار کی جہت سے ہے یا اِس وجہ سے ہے کہ اُسے دکھ اور تکلیف کا سامنا کرنا پڑا ہے۔ گویا اپنے وطن سے نکالے جانے کی خبر حضور نبی اکرم صلی اللہ علیہ وآلہ وسلم پر سب سے زیادہ شاق گزری تھی۔

امام زین الدین العراقی نے بھی یہ سارا واقعہ اپنی کتاب ’طرح التثریب فی شرح التقریب (4: 185)‘ میں بیان کرتے ہوئے وطن سے محبت کی مشروعیت کو ثابت کیا ہے۔

2۔ یہی وجہ ہے کہ ہجرت کرتے وقت رسول اللہ صلی اللہ علیہ وآلہ وسلم نے مکہ مکرمہ کو مخاطب کرتے ہوئے فرمایا تھا:

مَا أَطْيَبَکِ مِنْ بَلَدٍ وَأَحَبَّکِ إِلَيَّ، وَلَوْلَا أَنَّ قَوْمِي أَخْرَجُوْنِي مِنْکِ مَا سَکَنْتُ غَيْرَکِ.

(سنن الترمذی، 5: 723، رقم: 3926، صحيح ابن حبان، 9: 23، رقم: 3709، المعجم الکبير للطبرانی، 10: 270، رقم: 10633)

تُو کتنا پاکیزہ شہر ہے اور مجھے کتنا محبوب ہے! اگر میری قوم تجھ سے نکلنے پر مجھے مجبور نہ کرتی تو میں تیرے سوا کہیں اور سکونت اختیار نہ کرتا۔

یہاں حضور نبی اکرم صلی اللہ علیہ وآلہ وسلم نے صراحتاً اپنے آبائی وطن مکہ مکرمہ سے محبت کا ذکر فرمایا ہے۔

3۔ اِسی طرح سفر سے واپسی پر حضور نبی اکرم صلی اللہ علیہ وآلہ وسلم کا اپنے وطن میں داخل ہونے کے لئے سواری کو تیز کرنا بھی وطن سے محبت کی ایک عمدہ مثال ہے۔ گویا حضور نبی اکرم صلی اللہ علیہ وآلہ وسلم وطن کی محبت میں اتنے سرشار ہوتے کہ اس میں داخل ہونے کے لیے جلدی فرماتے، جیسا کہ حضرت انس رضی اللہ عنہ بیان کرتے ہیں:

إِنَّ النَّبِيَّ صلی الله عليه وآله وسلم کَانَ إِذَا قَدِمَ مِنْ سَفَرٍ، فَنَظَرَ إِلٰی جُدُرَاتِ الْمَدِيْنَةِ، أَوْضَعَ رَاحِلَتَهِ، وَإِنْ کَانَ عَلٰی دَابَّةٍ، حَرَّکَهَا مِنْ حُبِّهَا.

(صحيح البخاري، 2: 666، رقم: 1787، مسند أحمد بن حنبل، 3: 159، رقم: 12644، سنن الترمذي، 5: 499، رقم: 3441)

حضور نبی اکرم صلی اللہ علیہ وآلہ وسلم جب سفر سے واپس تشریف لاتے ہوئے مدینہ منورہ کی دیواروں کو دیکھتے تو اپنی اونٹنی کی رفتار تیز کر دیتے، اور اگر دوسرے جانور پر سوار ہوتے تو مدینہ منورہ کی محبت میں اُسے ایڑی مار کر تیز بھگاتے تھے۔

اِس حدیث مبارک میں صراحتاً مذکور ہے کہ اپنے وطن مدینہ منورہ کی محبت میں حضور نبی اکرم صلی اللہ علیہ وآلہ وسلم اپنے سواری کی رفتار تیز کردیتے تھے۔ حافظ ابن حجر عسقلانی نے اس کی شرح کرتے ہوئے لکھا ہے:

وَفِی الْحَدِيثِ دَلَالَةٌ عَلٰی فَضْلِ الْمَدِينَةِ، وَعَلٰی مَشْرُوعِيَةِ حُبِّ الْوَطَنِ وَالْحَنِيْنِ إِلَيْهِ.

(فتح الباری، 3: 621)

یہ حدیث مبارک مدینہ منورہ کی فضیلت، وطن سے محبت کی مشروعیت و جواز اور اس کے لیے مشتاق ہونے پر دلالت کرتی ہے۔

4۔ ایک اور روایت میں حضرت انس بن مالک رضی اللہ عنہ فرماتے ہیں: میں رسول اللہ صلی اللہ علیہ وآلہ وسلم کے ہمراہ خیبر کی طرف نکلا تاکہ آپ صلی اللہ علیہ وآلہ وسلم کی خدمت کرتا رہوں۔ جب حضور نبی اکرم صلی اللہ علیہ وآلہ وسلم خیبر سے واپس لوٹے اور آپ صلی اللہ علیہ وآلہ وسلم کو اُحد پہاڑ نظر آیا تو آپ صلی اللہ علیہ وآلہ وسلم نے فرمایا:

هٰذَا جَبَلٌ يُحِبُّنَا وَنُحِبُّهُ.

یہ پہاڑ ہم سے محبت کرتا ہے اور ہم بھی اس سے محبت رکھتے ہیں۔

اس کے بعد اپنے دستِ مبارک سے مدینہ منورہ کی جانب اشارہ کر کے فرمایا:

اللّٰهُمَّ! إِنِّي أُحَرِّمُ مَا بَيْنَ لَابَتَيْهَا کَتَحْرِيمِ إِبْرَاهِيمَ مَکَّةَ. اللّٰهُمَّ بَارِکْ لَنَا فِي صَاعِنَا وَمُدِّنَا.

(صحيح البخاري، 3: 1058، رقم: 2732، صحيح مسلم، 2: 993، رقم: 1365)

اے اللہ! میں اس کی دونوں پہاڑیوں کے درمیان والی جگہ کو حرم بناتا ہوں جیسے ابراہیم علیہ السلام نے مکہ مکرمہ کو حرم بنایا تھا۔ اے اللہ! ہمیں ہمارے صاع اور ہمارے مُدّ میں برکت عطا فرما۔

یہ اور اس جیسی متعدد احادیث مبارکہ میں حضور نبی اکرم صلی اللہ علیہ وآلہ وسلم اپنے وطن مدینہ منورہ کی خیرو برکت کے لیے دعا کرتے جو اپنے وطن سے محبت کی واضح دلیل ہے۔

5۔ حضرت ابو ہریرہ رضی اللہ عنہ بیان کرتے ہیں کہ جب لوگ پہلا پھل دیکھتے تو حضور نبی اکرم صلی اللہ علیہ وآلہ وسلم کی خدمت میں لے کر حاضر ہوتے۔ حضور نبی اکرم صلی اللہ علیہ وآلہ وسلم اسے قبول کرنے کے بعد دعا کرتے: اے اللہ! ہمارے پھلوں میں برکت عطا فرما۔ ہمارے (وطن) مدینہ میں برکت عطا فرما۔ ہمارے صاع میں اور ہمارے مد میں برکت عطا فرما۔ اور مزید عرض کرتے:

اللّٰهُمَّّ إِنَّ إِبْرَاهِيمَ عَبْدُکَ وَخَلِيلُکَ وَنَبِيُکَ، وَإِنِّي عَبْدُکَ وَنَبِيُکَ وَإِنَّهُ دَعَاکَ لِمَکَّةَ وَإِنِّي أَدْعُوکَ لِلْمَدِينَةِ بِمِثْلِ مَا دَعَاکَ لِمَکَّةَ وَمِثْلِهِ مَعَهُ.

(صحيح مسلم، 2: 1000، رقم: 1373)

اے اللہ! ابراہیم علیہ السلام تیرے بندے، تیرے خلیل اور تیرے نبی تھے اور میں بھی تیرا بندہ اور تیرا نبی ہوں۔ انہوں نے مکہ مکرمہ کے لیے دعا کی تھی۔ میں ان کی دعائوں کے برابر اور اس سے ایک مثل زائد مدینہ کے لیے دعا کرتا ہوں (یعنی مدینہ میں مکہ سے دوگنا برکتیں نازل فرما)۔

حضرت ابو ہریرہ رضی اللہ عنہ بیان کرتے ہیں کہ اس کے بعد آپ صلی اللہ علیہ وآلہ وسلم کسی چھوٹے بچے کو بلا کر وہ پھل دے دیتے۔

6۔ وطن سے محبت کا ایک اور انداز یہ بھی ہے کہ حضور نبی اکرمa نے فرمایا کہ وطن کی مٹی بزرگوں کے لعاب اور رب تعالیٰ کے حکم سے بیماروں کو شفا دیتی ہے۔ حضرت عائشہ صدیقہ رضی اللہ عنہا روایت کرتی ہیں:

إِنَّ النَّبِيَّ صلی الله عليه وآله وسلم کَانَ يَقُولُ لِلْمَرِيضِ: بِسْمِ اﷲِ تُرْبَهُ أَرْضِنَا، بِرِيقَةِ بَعْضِنَا يُشْفٰی سَقِيمُنَا بِإِذْنِ رَبِّنَا.

(صحيح البخاري، 5: 2168، رقم: 5413، صحيح مسلم، 4: 1724، رقم: 2194)

حضور نبی اکرم صلی اللہ علیہ وآلہ وسلم مریض سے فرمایا کرتے تھے: اﷲ کے نام سے شروع، ہماری زمین (وطن) کی مٹی ہم میں سے بعض کے لعاب سے ہمارے بیمار کو، ہمارے رب کے حکم سے شفا دیتی ہے۔

7۔ سیدہ عائشہ رضی اللہ عنہا روایت کرتی ہیں کہ ایک مرتبہ کوئی شخص مکہ مکرمہ سے آیا اور بارگاہِ رسالت مآب صلی اللہ علیہ وآلہ وسلم میں حاضر ہوا۔ سیدہ عائشہ رضی اللہ عنہا نے اس سے پوچھا کہ مکہ کے حالات کیسے ہیں؟ جواب میں اُس شخص نے مکہ مکرمہ کے فضائل بیان کرنا شروع کیے تو رسول اﷲ صلی اللہ علیہ وآلہ وسلم کی چشمانِ مقدسہ آنسؤوں سے تر ہوگئیں۔ آپ صلی اللہ علیہ وآلہ وسلم نے فرمایا:

لَا تُشَوِّقْنَا يَا فُلَانُ.

اے فلاں! ہمارا اِشتیاق نہ بڑھا۔

جب کہ ایک روایت میں ہے کہ آپ صلی اللہ علیہ وآلہ وسلم نے اُسے فرمایا:

دَعِ الْقُلُوْبَ تَقِرُّ.

(شرح الزرقانی علی الموطا، 4: 288، السيرة الحلبية، 2: 283)

دلوں کو اِستقرار پکڑنے دو (یعنی اِنہیں دوبارہ مکہ کی یاد دلا کر مضطرب نہ کرو)۔

اِزالۂ اِشکال

وطن سے محبت کے حوالے سے ایک اِشکال کا اِزالہ بھی اَز حد ضروری ہے۔ اِس ضمن میں بالعموم ایک روایت quote کی جاتی ہے جس کے الفاظ کچھ یوں ہیں:

حُبُّ الْوَطَنِ مِنَ الْإِيْمَانِ.

وطن کی محبت ایمان کا حصہ ہے۔

حالاں کہ یہ حدیثِ نبوی نہیں ہے بلکہ من گھڑت (موضوع) روایت ہے۔

1۔ امام صغانی نے اسے ’الموضوعات (ص:53، رقم:81)‘ میں درج کیا ہے۔

2۔ امام سخاوی نے ’المقاصد الحسنۃ (ص:297)‘ میں لکھا ہے:

لَمْ أَقِفْ عَلَيْهِ، وَمَعْنَاهُ صَحِيْحٌ.

میں نے اس پر کوئی اطلاع نہیں پائی اگرچہ معناً یہ کلام درست ہے (کہ وطن سے محبت رکھنا جائز ہے)۔

3۔ ملا علی القاری نے ’المصنوع (ص:91، رقم:106)‘ میں لکھا ہے کہ حفاظِ حدیث کے ہاں اِس قول کی کوئی اَصل نہیں ہے۔

4۔ ملا علی القاری نے ہی اپنی دوسری کتاب ’الأسرار المرفوعۃ في أخبار الموضوعۃ (ص:180، رقم:164)‘ میں لکھا ہے:

قَالَ الزَّرْکَشِيُّ: لَمْ أَقِفْ عَلَيْهِ.

امام زرکشی کہتے ہیں: میں نے اِس پر کوئی اِطلاع نہیں پائی ہے۔

وَقَالَ السَّيِّدُ مُعِيْنُ الدِّيْنِ الصَّفَوِيُّ: لَيْسَ بِثَابِتٍ.

سید معین الدین صفوی کہتے ہیں: یہ ثابت نہیں ہے (یعنی بے بنیاد ہے)۔

وَقِيْلَ: إِنَّهُ مِنْ کَلَامِ بَعْضِ السَّلَفِ.

یہ بھی کہا گیا ہے کہ یہ سلف صالحین میں سے بعضوں کا قول ہے۔

5۔ اِسی لیے ملا علی القاری نے لکھا ہے:

إِنَّ حُُبُّ الْوَطَنِ لَا يُنَافِيَ الْإِيْمَانَ.

(الأسرار المرفوعة في أخبار الموضوعة:181، رقم:164)

وطن سے محبت ایمان کی نفی نہیں کرتی (یعنی اپنے وطن کے ساتھ محبت رکھنے سے بندہ دائرۂ ایمان سے خارج نہیں ہوجاتا)۔

6۔ علامہ زرقانی ’الموطا‘ کی شرح میں لکھتے ہیں:

وَأَخْرَجَ ابْنُ إِسْحَاقَ عَنِ الزُّهْرِیِّ، عَنْ عَبْدِ اﷲِ بْنِ عَمْرِو بْنِ الْعَاصِ، قَالَ: أَصَابَتِ الْحُمَّی الصَّحَابَةَ حَتّٰی جَهِدُوا مَرَضًا.

ابن اِسحاق نے الزہری سے روایت کی ہے، انہوں نے حضرت عبد اﷲ بن عمرو بن العاص رضی اللہ عنہ سے روایت کی کہ بخار نے صحابہ کرام رضوان اللہ علیہم اجمعین کو دبوچ لیا یہاں تک کہ وہ بیماری کے سبب بہت لاغر ہوگئے۔

اس قول کی تفصیل بیان کرتے ہوئے علامہ زرقانی رقم طراز ہیں:

قَالَ السُّهَيْلِيُّ: وَفِي هٰذَا الْخَبَرِ وَمَا ذُکِرَ مِنْ حَنِينِهِمْ إِلٰی مَکَّةَ مَا جُبِلَتْ عَلَيْهِ النُّفُوسُ مِنْ حُبِّ الْوَطَنِ وَالْحَنِينِ إِلَيْهِ.

(شرح الزرقانی علی الموطا، 4: 287-288)

امام سہیلی فرماتے ہیں: اِس بیان میں صحابہ کرام رضوان اللہ علیہم اجمعین کے مکہ مکرمہ سے والہانہ محبت اور اشتیاق کی خبر ہے کہ وطن کی محبت اور اس کی جانب اِشتیاق اِنسانی طبائع اور فطرت میں ودیعت کردیا گیا ہے (اور اِسی جدائی کے سبب صحابہ کرام رضوان اللہ علیہم اجمعین بیمار ہوئے تھے)۔

7۔ قرآن حکیم کی سب سے معروف اور مسنتد لغت یعنی المفرادت کے مصنف امام راغب اصفہانی نے اپنی کتاب ’محاضرات الأدباء (2:652)‘ میں وطن کی محبت کے حوالے سے بہت کچھ لکھا ہے۔ ان کی گفت گو کا خلاصہ ذیل میں درج کیا جاتا ہے۔ وہ لکھتے ہیں:

لَولَا حُبُّ الْوَطَنِ لَخَرَبَتْ بِلَادُ السُّوْء. وَقِيْلَ: بِحُبِّ الْأَوْطَانِ عِمَارَةُ الْبُلْدَانِ.

اگر وطن کی محبت نہ ہوتی تو پسماندہ ممالک تباہ و برباد ہوجاتے (کہ لوگ انہیں چھوڑ کر دیگر اچھے ممالک میں جابستے، اور نتیجتاً وہ ممالک ویرانیوں کی تصویر بن جاتے)۔ اسی لیے کہا گیا ہے کہ اپنے وطنوں کی محبت سے ہی ملک و قوم کی تعمیر و ترقی ہوتی ہے۔

8۔ اس کے بعد امام راغب اصفہانی حضرت عبد اﷲ بن عباس رضی اللہ عنہما کا قول نقل کرتے ہوئے لکھتے ہیں کہ جب ایک شخص نے اپنا رزق کم ہونے کی شکایت کی تو حضرت عبد اﷲ بن عباس رضی اللہ عنہما نے اسے فرمایا:

لَوْ قَنَعَ النَّاسُ بِأَرْزَاقِهِمْ قُنُوْعَيُمْ بِأَوْطَانِهِمْ.

کاش! لوگ اپنے رِزق پر بھی ایسے ہی قانع ہوتے جیسے اپنے اَوطان (یعنی آبائی ملکوں) پر قناعت اختیار کیے رکھتے ہیں۔

9۔ اِسی طرح جب ایک دیہاتی شخص سے پوچھا گیا کہ وہ کس طرح دیہات کی سخت کوش اور جفاکشی و رِزق کی تنگی والی زندگی پر صبر کرلیتے ہیں تو اس نے جواب دیا:

لَولَا أَنَّ اﷲَ تَعَالٰی أَقْنَعَ بَعْضَ الْعِبَادِ بِشَرِّ الْبِلَادِ، مَا وَسِعَ خَيْرُ الْبِلَادِ جَمِيْعَ الْعِبَادِ.

اگر اﷲ تعالیٰ بعض لوگوں کو پسماندہ مقامات پر قائل نہ فرمائے تو ترقی یافتہ مقامات تمام لوگوں کے لیے تنگ پڑ جائیں۔

یعنی اگر سارے مقامی باشندے اپنے آبائی علاقوں کی پسماندگی و جہالت اور غربت و محرومیوں کے باعث ترقی یافتہ علاقوں کی طر ف ہجرت کرتے رہیں تو ایک وقت آئے گا کہ ترقی یافتہ علاقے بھی گوناگوں مسائل کا شکار ہوجائیں گے اور اپنے رہائشیوں کے لیے تنگ پڑ جائیں گے۔

10۔ اِس کے بعد امام راغب اصفہانی نے فَضْلُ مَحَبَّۃِ الْوَطَنِ (وطن سے محبت کی فضیلت) کے عنوان سے ایک الگ فصل قائم کرتے ہوئے لکھا ہے:

حُبُّ الْوَطَنِ مِنْ طِيْبِ الْمَوْلِدِ.

وطن کی محبت اچھی فطرت و جبلت کی نشانی ہے۔

مراد یہ ہے کہ عمدہ فطرت والے لوگ ہی اپنے وطن سے محبت کرتے اور اس کی خدمت کرتے ہیں۔ ایسے لوگ اپنے وطن کی نیک نامی اور اَقوامِ عالم میں عروج و ترقی کا باعث بنتے ہیں نہ کہ ملک کے لیے بدنامی خرید کر اس پر دھبہ لگاتے ہیں۔

11۔ ابو عمرو بن العلاء نے کہا ہے:

مِمَّا يَدُلُّ عَلٰی کَرَمِ الرَّجُلِ وَطِيْبِ غَرِيْزَتِهِ حَنِيْنُهُ إِلٰی أَوْطَانِهِ وَحُبُّهُ مُتَقَدِّمِي إِخْوَانِهِ وَبُکَاؤُهُ عَلٰی مَا مَضٰی مِنْ زَمَانِهِ.

(محاضرات الأدباء للراغب الأصفهانی، 2: 652)

آدمی کے معزز ہونے اور اس کی جبلت کے پاکیزہ ہونے پر جو شے دلالت کرتی ہے وہ اس کا اپنے وطن کے لیے مشتاق ہونا اور اپنے دیرینہ تعلق داروں (یعنی اعزاء و اقربا، رفقاء و دوست احباب اور پڑوسی وغیرہ) سے محبت کرنا اور اپنے سابقہ زمانے (کے گناہوں اور معصیات) پر آہ زاری کرنا (اور ان کی مغفرت طلب کرنا) ہے۔

12۔ اِسی لیے بعض فلاسفہ کا کہنا ہے:

فِطْرَةُ الرَّجُلِ مَعْجُوْنَةٌ بِحُبِّ الْوَطَنِ.

(محاضرات الأدباء للراغب الأصفهانی، 2: 652)

فطرتِ اِنسان کو وطن کی محبت سے گوندھا گیا ہے (یعنی وطن کی محبت انسانی خمیر میں رکھ دی گئی ہے)۔

13۔ ابن خبیر الاشبیلی (م502ھ) نے ’الفھرسۃ (ص:343، رقم:1006)‘ میں لکھا ہے کہ دوسری تیسری صدی ہجری کے معروف امام ابو عثمان عمرو بن بحر الجاحظ (159-255ھ) نے وطن کی محبت پر ایک مکمل رسالہ لکھا ہے، جس کا نام ہے: کتاب حب الوطن۔ ابن خبیر الاشبیلی (م502ھ) نے ’الفھرسۃ (ص:343، رقم:1006)‘ میں اس رسالے کی پوری سند کو بیان کیا ہے۔ 1982ھ میں یہ رسالہ لبنان کے دار الکتاب العربی سے الحنین إلی الأوطان کے عنوان سے طبع ہوچکا ہے۔ گویا مسلم محققین اوائل اِسلام سے ہی وطن سے محبت کے موضوع پر لکھتے آرہے ہیں۔

خلاصہ کلام

قرآن و حدیث اور تاریخ اِسلام کے درج بالا صریح دلائل سے معلوم ہوا کہ وطن سے محبت ایک مشروع اور جائز عمل ہے کیونکہ یہ ایک فطری اور لازم امر ہے۔

سورۃ التوبۃ کی آیت نمبر 24 کی شرح

اس آیت مبارکہ میں چھ طرح کی دنیاوی محبتوں کا بیان ہے: (1) اولاد کی والدین سے محبت (2) والدین کی اولاد سے محبت (3) بیوی کی محبت (4) رشتہ داروں کی محبت (5) نوکری، کاروبار اور تجارت کی محبت (6) گھروں اور وطن کی محبت۔ اگر یہ ساری محبتیں مل کر یعنی ان محبتوں کا total aggregate اور سب شدتیں مل کر اﷲ اور اس کے رسول صلی اللہ علیہ وآلہ وسلم اور جہاد کی محبت سے بڑھ جائیں، اﷲ کے دین کی محبت سے بڑھ جائیں تو پھر اپنے انجام کا انتظار کرنا چاہیے۔ یہ ایک categorical declaration ہے۔ لیکن اگر یہ تمام دنیاوی محبتیں اپنی limit میں ہیں اور غالب محبت اﷲ اور اس کے رسول صلی اللہ علیہ وآلہ وسلم کی ہی ہے تو یہ ساری محبتیں بھی اُسی لافانی محبت کے تابع ہوجاتی ہیں۔

لہٰذا ہمیں جان لینا چاہیے کہ وطن سے محبت کے بغیر کوئی قوم آزادانہ طور پر عزت و وقار کی زندگی گزار سکتی ہے نہ اپنے وطن کو دشمن قوتوں سے محفوظ رکھ سکتی ہے۔ جس قوم کے دل میں وطن کی محبت نہیں رہتی پھر اُس کا مستقبل تاریک ہو جاتا ہے اور وہ قوم اور ملک پارہ پارہ ہو جاتا ہے۔ وطن سے محبت ہرگز خلافِ اِسلام نہیں ہے اور نہ ہی یہ ملتِ واحدہ کے تصور کے منافی ہے، کیونکہ ملتِ واحدہ کا تصور سرحدوں کا پابند نہیں ہے بلکہ یہ اَفکار و خیالات کی یک جہتی اور اِتحاد کا تقاضا کرتا ہے۔ مصورِ پاکستان نے کیا خوب فرمایا ہے:

جہانِ تازہ کی اَفکارِ تازہ سے ہے نمود

کہ سنگ و خشت سے ہوتے نہیں جہاں پیدا

ہمیں اپنے وطنِ عزیز سے ٹوٹ کر محبت کرنی چاہیے اور اس کی تعمیر و ترقی میں اپنا بھرپور کردار ادا کرنا چاہیے۔ وطن سے محبت صرف جذبات اور نعروں کی حد تک ہی نہیں ہونی چاہیے بلکہ ہمارے گفتار اور کردار میں بھی اس کی جھلک نظر آنی چاہیے۔ ہمیں ایسے عناصر کی بھی شناخت اور سرکوبی کے اقدامات کرنے چاہییں جو وطنِ عزیز کی بدنامی اور زوال کا باعث بنتے ہیں۔ ایسے حکمرانوں سے بھی چھٹکارے کے لیے جد و جہد کرنی چاہیے جو وطنِ عزیز کو لوٹنے کے درپے ہیں اور آئے روز اس کی بدنامی کا باعث بن رہے ہیں۔ ایسے حکمرانوں سے نجات دلانے کی سرگرمِ عمل ہونا چاہیے جو اپنے وطن سے زیادہ دوسروں کی وفاداری کا دم بھرتے ہیں اور وطنِ عزیز کی سلامتی کے درپے رہتے ہیں۔ معاشرے کے اَمن کو غارت کرنے والے عناصر کو ناسور سمجھ کر کیفرِ کردار تک پہنچانے میں اپنا بھرپور قومی کردار ادا کرنا چاہیے۔ وطن کا وقار، تحفظ، سلامتی اور بقا اِسی میں ہے کہ لوگوں کے جان و مال اور عزت و آبرو محفوظ ہوں۔ وطن کی ترقی اور خوش حالی اسی میں ہے کہ ہمیشہ ملکی مفادات کو ذاتی مفادات پر ترجیح دی جائے اور ہر سطح پر ہر طرح کی کرپشن اور بدعنوانی کا قلع قمع کیا جائے۔ معاشرے میں امن و امان کا راج ہو۔ ہر طرح کی ظلم و زیادتی سے خود کو بچائیں اور دوسروں کو بھی محفوظ رکھیں۔ آج 2017ء میں آزادی کے ستر سال پورے ہونے پر پاکستان کے اِکہترویں (71st) یومِ آزادی کے موقع پر ہمیں خود اِحتسابی کی اَشد ضرورت ہے کہ ہم اپنا جائزہ لیں کہ ہم نے اب تک اپنے وطنِ عزیز کے لیے کیا کیا ہے؟ اس کی ترقی میں کتنا حصہ لیا ہے؟ قوم کے لیے کیا کیا ہے؟ عوامی بہبود اور خدمتِ اِنسانیت کے لیے کیا کیا ہے؟ وطنِ عزیز کے غیر مسلم شہریوں کی خاطر کیا کام کیا ہے؟ ان کے تحفظ اور ترقی کے لیے کون سے اِقدامات اٹھائے گئے ہیں؟ عوامی بیداری کی مہم میں کس حد تک حصہ لیا ہے؟ قوم کا شعور بیدار کرنے کی خاطر کیا قربانیاں دی ہیں؟ اِس ملک کو لوٹنے والوں کے خلاف کس حد تک جد و جہد کی ہے؟ پوری دنیا میں وطنِ عزیز کی جگ ہنسائی کرانے والے سیاست دانوں اور حکمرانوں کے خلاف عوام میں کس حد تک شعور بیدار کیا ہے؟ کہاں کہاں اپنے ذاتی مفادات کو قومی مفادات کی خاطر قربان کیا ہے؟

خدا کرے کہ مری اَرضِ پاک پر اُترے

وہ فصلِ گل جسے اَندیشۂ زوال نہ ہو